സ്വാഭാവിക വനമില്ലാത്ത ജില്ലയെന്നത് പഴങ്കഥ; സംസ്ഥാനത്ത് ഏറ്റവും കൂടുതല്‍ മിയാവാക്കി വനം ആലപ്പുഴയില്‍


2021-22 വര്‍ഷത്തില്‍ സംസ്ഥാനത്ത് ഏറ്റവുമധികം മിയാവാക്കി വിദ്യാവനം നിര്‍മിച്ചിരിക്കുന്നത് ആലപ്പുഴയില്‍

പ്രതീകാത്മക ചിത്രം- തിരുവനന്തപുരം കനകക്കുന്ന് കൊട്ടാരത്തിലെ മിയാവാക്കി വനത്തിൻറെ ദൃശ്യം | ഫോട്ടോ:ശ്രീകേഷ്.എസ്

ആലപ്പുഴ:സ്വാഭാവിക വനമില്ലാത്ത സംസ്ഥാനത്തെ ഒരേയൊരു ജില്ലയാണ് ആലപ്പുഴ. എന്നാല്‍, ഇനി അക്കഥ മാറുകയാണ്. ജില്ലാ സാമൂഹിക വനവത്കരണവിഭാഗത്തിന്റെ നേതൃത്വത്തില്‍ ജില്ലയെ പച്ചപ്പണിയിക്കാനുള്ള ശ്രമം ഊര്‍ജിതമാണ്. 2021-22 വര്‍ഷത്തില്‍ സംസ്ഥാനത്ത് ഏറ്റവുമധികം മിയാവാക്കി വിദ്യാവനം നിര്‍മിച്ചിരിക്കുന്നത് ആലപ്പുഴയിലാണ്.

ജില്ലയിലെ 14 വിദ്യാഭ്യാസ സ്ഥാപനങ്ങളില്‍ വനം സൃഷ്ടിച്ചുകഴിഞ്ഞു. അഞ്ച് സ്ഥാപനങ്ങളില്‍ക്കൂടി ഉടന്‍ വനമൊരുക്കും. അപേക്ഷകള്‍ ഏറെ ലഭിക്കുന്നുണ്ടെങ്കിലും സ്ഥലസൗകര്യമുള്ളവരുടേതു മാത്രമേ ഇപ്പോള്‍ പരിഗണിക്കുന്നുള്ളൂ. മറ്റു ജില്ലകളിലൊന്നും ഇത്രയുമധികം മിയാവാക്കി വനങ്ങള്‍ നിര്‍മിച്ചിട്ടില്ലെന്നാണ് അധികൃതര്‍ പറയുന്നത്.

ഇതുവഴി സ്‌കൂള്‍-കോളേജ് പരിസരത്തുതന്നെ വിദ്യാര്‍ഥികള്‍ക്ക് വനസൗന്ദര്യമാസ്വദിക്കാന്‍ കഴിയും. 'വിദ്യാവനങ്ങള്‍' ഒരുവര്‍ഷത്തിനുള്ളില്‍ ചെറിയ റിസര്‍വ് വനത്തിന്റെ രൂപത്തിലെത്തും. ഓരോ സ്ഥാപനവും നല്‍കിയ അഞ്ചുസെന്റിലാണ് വനം വെച്ചുപിടിപ്പിച്ചിരിക്കുന്നത്. 160 ഇനങ്ങളിലുള്ള 5,000 മരങ്ങളാണ് നട്ടിരിക്കുന്നത്. ഇവയില്‍ കായുണ്ടാകുന്നതും ഔഷധഗുണമുള്ളതുമായ ചെടികളുമുണ്ട്.

വിദ്യാവനം നിര്‍മിച്ച സ്ഥാപനങ്ങള്‍

ചെങ്ങന്നൂര്‍ ക്രിസ്ത്യന്‍ കോളേജ്, ചേര്‍ത്തല എസ്.എന്‍. കോളേജ്, മുഹമ്മ എ.ബി. വിലാസം ഹയര്‍ സെക്കന്‍ഡറി സ്‌കൂള്‍, തുറവൂര്‍ ടി.ഡി. ഹയര്‍ സെക്കന്‍ഡറി സ്‌കൂള്‍, താമരക്കുളം വി.വി. എച്ച്.എസ്.എസ്., മാവേലിക്കര ഗവ. ഗേള്‍സ് ഹയര്‍സെക്കന്‍ഡറി സ്‌കൂള്‍, ചെറിയനാട് ശ്രീവിജയേശ്വരി ഹൈസ്‌കൂള്‍, പാണ്ടനാട് സ്വാമി വിവേകാനന്ദ ഹൈസ്‌കൂള്‍, എഴുപുന്ന സെയ്ന്റ് റാഫേല്‍സ് ഹൈസ്‌കൂള്‍, തൈക്കാട്ടുശ്ശേരി എസ്.എം.എസ്.ജെ. ഹൈസ്‌കൂള്‍, ചെറിയനാട് എസ്.എന്‍. ട്രസ്റ്റ് ഹയര്‍ സെക്കന്‍ഡറി സ്‌കൂള്‍, അമ്പലപ്പുഴ മരിയ മോണ്ടിസോറി സെന്‍ട്രല്‍ സ്‌കൂള്‍, പ്രയാര്‍ ആര്‍.വി. എച്ച്.എസ്., വീയപുരം ഗവ. ഹൈസ്‌കൂള്‍.

ഇനി സൃഷ്ടിക്കുന്നത്

നങ്ങ്യാര്‍കുളങ്ങര ടി.കെ.എം.എം. കോളേജ്, ആലപ്പുഴ പോലീസ് ക്യാമ്പ്, ചേര്‍ത്തല പോലീസ് സ്റ്റേഷന്‍, കോക്കോതമംഗലം സെയ്ന്റ് ആന്റണീസ് ഹൈസ്‌കൂള്‍.

Content Highlights: Alappuzha holds the record of having most Miyawaki forest in Kerala

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
dr mk muneer

1 min

ലിംഗസമത്വമെങ്കില്‍ ആണ്‍കുട്ടിയുമായി പുരുഷന്‍ ബന്ധപ്പെട്ടാല്‍ പോക്‌സോ എടുക്കുന്നതെന്തിന്- M.K. മുനീർ

Aug 18, 2022


11:39

ആണോ പെണ്ണോ എന്ന് തിരിച്ചറിയാന്‍ കഴിയാത്ത മൃതദേഹം; കേരളത്തിന് പുറത്തെ ഓപ്പറേഷന്‍ | ദേവസ്യ സ്പീക്കിങ്

Aug 4, 2022


shane warne

1 min

'വോണുമായി ഞാന്‍ ഡേറ്റിങ്ങിലായിരുന്നു, ബന്ധം രഹസ്യമാക്കി സൂക്ഷിക്കാന്‍ അദ്ദേഹം പറഞ്ഞു'

Aug 17, 2022

Most Commented