
വാഷിങ്ടൺ: ആഗോളരാഷ്ട്രീയത്തിൽ നിർണായകമായേക്കാവുന്ന നയതന്ത്ര കൂടിക്കാഴ്ചയ്ക്കാണ്് ചൈനയിലെ ഷെൻഷെൻ കഴിഞ്ഞദിവസം വേദിയായത്. അമേരിക്കൻ പ്രസിഡന്റ് ഡൊണാൾഡ് ട്രംപ്, ചൈനീസ് പ്രസിഡന്റ് ഷി ജിൻപിങ്, റഷ്യൻ പ്രസിഡന്റ് വ്ളാദിമിർ പുതിൻ എന്നിവർ വ്യാഴാഴ്ച ആദ്യമായി ഒരുമിച്ചിരുന്ന് ചർച്ച നടത്തിയിരുന്നു. നേതാക്കൾ കൈക്കൊടുത്ത് പിരിഞ്ഞെങ്കിലും യുഎസ് പ്രസിഡന്റിന്റെ ചൈനാ സന്ദർശനത്തിൽ അസാധാരണമായ സുരക്ഷാ മുൻകരുതലുകളാണ് വൈറ്റ്ഹൗസ് സ്വീകരിച്ചിരുന്നത്.
സൈബർ ചാരവൃത്തി ആശങ്കകൾ കാരണം എയർഫോഴ്സ് വണ്ണിൽ ട്രംപിനൊപ്പമുണ്ടായിരുന്ന മാധ്യമപ്രവർത്തകരുടെയും വൈറ്റ്ഹൗസ് ജീവനക്കാരുടെയും ഫോണുകൾ പിടിച്ചെടുക്കുകയും ഉപയോഗിക്കാൻ നൽകിയ താത്കാലിക ഫോണുകൾ നശിപ്പിക്കാനുള്ള ഒരുക്കത്തിലുമാണ് യുഎസ്.
ചൈനയിൽ ഉപയോഗിച്ച വ്യക്തിഗതവും ഔദ്യോഗികവുമായ ഫോണുകളും മറ്റു ഡിവൈസുകളും സിഗ്നൽ ബ്ലോക്ക് ചെയ്യുന്ന ബാഗുകളിൽ സൂക്ഷിക്കാൻ മാധ്യമപ്രവർത്തകരോട് ആവശ്യപ്പെട്ടു. ചിലർ ഇത് ചൈനയിൽ ഇറങ്ങുംമുമ്പേ ഇത്തരം ബാഗുകളിൽ സൂക്ഷിച്ചിരുന്നു. പകരം അവർക്ക് താത്കാലിക ഫോണുകൾ (ബർണർ ഫോണുകൾ) നൽകിയിരുന്നു.
വിമാനം ഷെൻഷെനിൽനിന്ന് പുറപ്പെട്ടപ്പോൾ, വൈറ്റ് ഹൗസ് ജീവനക്കാരുടെയും മാധ്യമപ്രവർത്തകരുടെയും കൈവശമുണ്ടായിരുന്ന താൽക്കാലിക ഫോണുകൾ അധികൃതർ ശേഖരിച്ചു. ഇവ നശിപ്പിക്കുകയോ അല്ലെങ്കിൽ അവയിലുള്ള വിവരങ്ങൾ പൂർണ്ണമായും മായ്ച്ചുകളയുകയോ ചെയ്യാനാണ് ഉദ്ദേശിക്കുന്നതെന്ന് ഫോക്സ് ന്യൂസ് റിപ്പോർട്ട് ചെയ്യുന്നു. അമേരിക്കയിൽ വിമാനം ഇറങ്ങിയശേഷം മാധ്യമപ്രവർത്തകരുടെ ഔദ്യോഗിക ഫോണുകൾ തിരികെ നൽകുകയും ചെയ്തു.
ചൈനയിൽ ഉപയോഗിച്ച ഇലക്ട്രോണിക് ഉപകരണങ്ങൾ വഴിയുള്ള സൈബർ സുരക്ഷാ അപകടസാധ്യതകളെയും സാധ്യമായ ചാരവൃത്തിയെയും കുറിച്ചുള്ള ആശങ്കകളാണ് ഈ നടപടിക്ക് കാരണമായത് എന്നാണ് വിമാനത്തിലുണ്ടായിരുന്ന സി.ബി.എസ് വൈറ്റ് ഹൗസ് റിപ്പോർട്ടർ ജെന്നിഫർ ജേക്കബ്സ് വിശദീകരിച്ചത്.
അമേരിക്കയിൽ തിരിച്ചെത്തിയ ട്രംപ് ഉടൻ മാധ്യമപ്രവർത്തകരെ കാണുമെന്നാണ് വിവരം.
ഐക്യരാഷ്ട്രസഭയിൽ (യു.എൻ.) പരിഷ്കാരങ്ങൾ കൊണ്ടുവരാനും ആഗോള എണ്ണവിതരണം വർധിപ്പിക്കാനും ആണവഭീഷണി കുറയ്ക്കുന്നതിനുള്ള ചർച്ചകൾ തുടരാനും ത്രികക്ഷി കൂടിക്കാഴ്ചയിൽ ധാരണയിലെത്തിയിരുന്നു.
Content Highlights: First trilateral meeting between Donald Trump, Xi Jinping, and Vladimir Putin in Shenzhen., White House seized and prepared to destroy temporary phones used by staff and journalists in China., Action taken due to high cyber espionage and security risks., Leaders agreed on UN reforms, oil supply increase, and nuclear threat reduction.
Published: 20 Nov 2026, 05:14 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented