ഇന്ത്യയിൽ ഭാരം കുറയ്ക്കാനുള്ള മരുന്നുകൾക്ക് ഒരിക്കലുമില്ലാത്തവിധം ശ്രദ്ധകിട്ടുന്ന കാലമാണ് ഇപ്പോൾ. ടിർസെപാറ്റൈഡ്, സെമാഗ്ലൂട്ടൈഡ് എന്നിവയടങ്ങിയ മൗൻജാരോ, വെഗോവി എന്നീ മരുന്നുകൾ അമിതവണ്ണം കുറയ്ക്കാൻ സഹായിക്കുമെന്നിരിക്കെ ഒട്ടേറെ പേർ ഇത് ഉപയോ​ഗിക്കുന്നു. 

To advertise here,

അതേസമയം, ജിഎൽപി-1 മരുന്നുകൾ അതിവേ​ഗം കളംപിടിക്കുന്നതും ശരീരഭാരത്തെയും ആരോഗ്യത്തെയും കുറിച്ചുള്ള ആളുകളുടെ കാഴ്ചപ്പാടുകളെ മാറ്റിമറിക്കുന്നതും ഒരു ബില്യൺ ഡോളർ വ്യവസായത്തിൻ്റെ ഭാഗമാണ്. ഇപ്പോഴിതാ, ഈ മരുന്നുകളുടെ പാർശ്വഫലങ്ങളെക്കുറിച്ചാണ് ​ഗവേഷകർ ചർച്ച ചെയ്യുന്നത്. പ്രത്യേകിച്ച് കണ്ണുകളിൽ ഇവയുണ്ടാക്കിയേക്കാവുന്ന ആരോ​ഗ്യപ്രശ്നമാണ് ചർച്ചാവിഷയം.‌‌

ഇത്തരം മരുന്നുകൾ ഉപയോഗിക്കുന്ന പ്രമേഹരോഗികളിൽ ഒപ്റ്റിക് നാഡീ രോഗങ്ങൾക്കുള്ള അപകടസാധ്യത കൂടുതലാണെന്നാണ് പുതിയ പഠനങ്ങൾ പറയുന്നത്. അമേരിക്കൻ മെഡിക്കൽ അസോസിയേഷന്റെ കീഴിലുള്ള മെഡിക്കൽ ജേണൽ JAMA-യിൽ പ്രസിദ്ധീകരിച്ച പഠനത്തിലാണ് ഇക്കാര്യം വ്യക്തമാക്കുന്നത്. ഏകദേശം 15 ലക്ഷം ആളുകളുടെ വിവരങ്ങൾ പരിശോധിച്ചതിന്റെ അടിസ്ഥാനത്തിലാണ് പഠനം പുറത്തുവിട്ടിരിക്കുന്നത്. 

അതേസമയം, ഈ മരുന്നുകൾ ഉപയോഗിക്കുന്നവർക്ക് നേത്രാരോഗ്യത്തിൽ ഉണ്ടാകാവുന്ന സങ്കീർണതകളെക്കുറിച്ച് ഇനിയും കൂടുതൽ വിശദമായ പഠനങ്ങൾ ആവശ്യമാണ് എന്ന് വിഷയത്തിൽ വിദഗ്ധർ അഭിപ്രായപ്പെടുന്നു. ഇതിനായി ഇപ്പോഴും പഠനം തുടരുകയാണ്. വിഷയത്തിൽ ദീർഘകാല പഠനങ്ങൾ അനിവാര്യമാണെന്നും അവർ ചൂണ്ടിക്കാട്ടിയതായി ഇന്ത്യ ടുഡേ റിപ്പോർട്ട് ചെയ്തു.