ചേമ്പ് അല്പം ചാറോട് കൂടെ ഉപ്പേരി വെച്ചത്; രുചികരമായ കൊങ്കണി വിഭവം

ചേമ്പില വിഭവങ്ങൾക്കുള്ള അത്രതന്നെ പ്രാധാന്യം കൊങ്കണികൾ ചേമ്പ് കൊണ്ടുള്ള വിഭവങ്ങൾക്കും കൊടുക്കും. നല്ല എളുപ്പത്തിൽ വേവുന്ന പാൽചേമ്പ് ആണെങ്കിൽ കറികൾക്ക് രുചി  കൂടും.

" മണ്ടെ " എന്നാണ് കൊങ്കണിയിൽ ചേമ്പിനെ വിളിക്കുക. ഉപ്പേരിയും തേങ്ങ അരച്ച് ഒഴിച്ചുകറിയും വറുത്ത് ചിപ്സ് ആക്കിയും പാൽക്കറിയുമൊക്കെ ചേമ്പുകൊണ്ട് ഉണ്ടാക്കും.

Also Read

ഊണ്‌ കുശാലാക്കാന്‍ ചേമ്പിലയും ചക്കക്കുരുവും ചേര്‍ത്ത് കൊങ്കിണി ശൈലിയിലൊരു 'ഗണ്‍ട്ടി തളാസിനി'

മഞ്ഞള്‍പ്പൊടിയും ഉലുവയും ചേര്‍ത്ത് കൊങ്കിണി ശൈലിയിലൊരു ദോശ, 'മെത്തിയോ പോളോ'

പാത്രത്തിലെ ചോറ് തീരുന്നത് അറിയില്ല; ഉച്ചയൂണിനൊപ്പം കഴിക്കാന്‍ വാഴക്കൂമ്പ് പക്കോട

മഷ്‌റൂം കാപ്സിക്കം ഫ്രൈഡ് റൈസും സോയാചങ്‌സ് ഫ്രൈയും

രുചിയും ഗുണവും ഏറും; മത്തനില കൊണ്ട് കൊങ്കണി ശൈലിയിലൊരു 'ദുദ്ദി പന്നാ ഫോഡി'

അത്തരത്തിൽ വളരെ എളുപ്പത്തിൽ തയ്യാറാക്കുന്ന ഒരു വിഭവമാണ് ഇന്ന് പരിചയപ്പെടുത്തുന്നത്. ചേമ്പ് അല്പം ചാറോട് കൂടെ ഉപ്പേരി വെച്ചത്.  കഞ്ഞിക്കും ചോറിനും ഒക്കെ ഉത്തമം. അപ്പോൾ പാചകരീതിയിലേക്ക്.

ചേരുവകൾ 

ചേമ്പ് ( വലിയ ചേമ്പ് /പാൽചേമ്പ് )    - 3
പച്ചമുളക്        .- 2-3
കടുക്               1 ടീസ്പൂൺ 
വറ്റൽമുളക്     3-4
കായപ്പൊടി    1 ടീസ്പൂൺ 
വെളിച്ചെണ്ണ  2 ടീസ്പൂൺ 

തയ്യാറാക്കുന്ന വിധം

ചേമ്പ് കഷ്ണങ്ങളാക്കി അല്പം അധികം വെള്ളമൊഴിച്ചു പച്ചമുളക് നെടുകെ കീറിയതും ഉപ്പും ചേർത്ത് പ്രഷർ കുക്കറിൽ ഒരു വിസിൽ വരുന്നതുവരെ വേവിക്കുക.ഇനി കടുകും വറ്റൽമുളകും കറിവേപ്പിലയും കായപ്പൊടിയും മൂപ്പിച്ചു ഇതിലേക്ക് ചേർത്ത് നന്നായി തിളപ്പിക്കുക. വെള്ളത്തിന്റെ അളവ് നിങ്ങളുടെ ഇഷ്ടപ്രകാരം നിശ്ചയിക്കാം. കുറുകിയാലും നീട്ടിയാലും സ്വാദാണ്. ചൂടാറുന്തോറും ഇതിന്റെ ചാറ് കുറുകി വരും.