കാലാവസ്ഥാ വ്യതിയാനം, വേട്ടയാടല്‍, മലിനീകരണം- മനുഷ്യന്റെ കൈയൊപ്പ് പതിഞ്ഞിടങ്ങളില്‍ നിന്ന് പലകാരണങ്ങളാല്‍ അപ്രത്യക്ഷരായ ജീവികളുടെ പട്ടികയിലേക്ക് ഒരു പേരുകൂടി. തെക്കുകിഴക്കന്‍ യൂറോപ്പില്‍ കണ്ടുവന്നിരുന്ന, ചാരത്തില്‍ വെള്ളകലര്‍ന്ന നിറവും നീണ്ട കൊക്കുകളുമുള്ള സ്ലെന്‍ഡര്‍-ബില്‍ഡ് കര്‍ല്യൂ.
1995-ലാണ് ഈ പക്ഷികളെ അവസാനമായി ലോകം കണ്ടത്. 1995-നുശേഷവും സ്ലെന്‍ഡര്‍ ബില്‍ഡ് കര്‍ല്യൂവിനെ കണ്ടതായി രേഖകളുണ്ടെങ്കിലും ഇവയ്‌ക്കൊന്നും കൃത്യമായ തെളിവുകള്‍ ഇല്ലാതിരുന്നതിനെത്തുടര്‍ന്ന് നടത്തിയ പഠനത്തിലാണ് ഈ ജീവിവര്‍ഗം മണ്‍മറഞ്ഞുപോയ വിവരം അറിയുന്നത്.
കാണാന്‍ ഏകദേശം ഒരേപോലെയുള്ള യൂറേഷ്യന്‍ കര്‍ല്യൂവിനെയാണ് സ്ലെന്‍ഡര്‍ ബില്‍ഡെന്ന് തെറ്റിദ്ധരിച്ചതത്രേ.
1500-കള്‍ക്ക് ശേഷം യൂറോപ്യന്‍ മെയിന്‍ലാന്‍ഡില്‍ നിന്ന് അപ്രത്യക്ഷമാകുന്ന ആദ്യ പക്ഷിവര്‍ഗമാണിവ. ലണ്ടന്‍ നാച്വറല്‍ ഹിസ്റ്ററി മ്യൂസിയത്തിനായി കര്‍ല്യൂവിനെ തേടിപ്പോയ ഡോ.അലക്‌സ് ബോണ്ട് ആണ് വംശനാശത്തെക്കുറിച്ചുള്ള വിവരം പുറത്തുവിട്ടത്.
Content Highlights: slender billed curlew extinction
Published: 21 Nov 2024, 09:30 am IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented