സോള്‍: ദക്ഷിണ കൊറിയയിലെ ഉല്‍ജിന്‍ കിഴക്കന്‍ പ്രദേശത്തുണ്ടായ കാട്ടുതീയുടെ ഭീഷണിയില്‍ ഹാനുള്‍ ആണവനിലയം. ആണവനിലയത്തില്‍ നിന്ന് എത്ര ദൂരെയാണ് കാട്ടുതീയുണ്ടായതെന്ന് വ്യക്തമല്ല. 12 ഓളം വീടുകളും നശിച്ചിട്ടുണ്ട്. കൊറിയ ഹൈഡ്രോ ആന്‍ഡ് ന്യുക്ലിയര്‍ പവര്‍ കമ്പനിയുടെ ആറ് ന്യൂക്ലിയര്‍ പ്രെഷ്‌റൈഡ്‌സ് വാട്ടര്‍ പ്രവര്‍ത്തിക്കുന്ന ഉല്‍ജിനില്‍ വെള്ളിയാഴ്ചയാണ് കാട്ടുതീയുണ്ടായത്. ഇതില്‍ അഞ്ചു റിയാക്ടറുകളും നിലവില്‍ സജീവമായി പ്രവര്‍ത്തിക്കുന്നവയാണ്.
കാട്ടുതീയെ തുടര്‍ന്ന് ആണവനിലയത്തിന്റെ സംരക്ഷണത്തിനായി എല്ലാവിധ നടപടികളും സ്വീകരിക്കുമെന്ന് ദക്ഷിണ കൊറിയന്‍ പ്രസിഡന്റ് മൂണ്‍ ജീ ഇന്‍ പ്രതികരിച്ചു.
പ്രദേശം പ്രകൃതിദുരന്ത മേഖലയായി ഗവണ്‍മെന്റ് പ്രഖ്യാപിച്ചിരിക്കുകയാണ്. പ്രാദേശിക അഗ്നിശമന സേനാംഗങ്ങള്‍ പ്രതിരോധ മന്ത്രാലയവുമായും ഫോറസ്റ്റ് ഏജന്‍സിയുമായും സഹകരിച്ചായിരിക്കും പ്രതിരോധ പ്രവര്‍ത്തനങ്ങള്‍.
Content Highlights: forest fire threatens hanul nuclear power plant in south korea
Published: 05 Mar 2022, 06:28 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented