ന്യൂഡൽഹി:  സി‌യു‌ഇ‌ടി പി‌ജി (CUET PG 2026) പരീക്ഷയ്ക്കുള്ള അപേക്ഷകളിൽ തിരുത്തൽ വരുത്താനുള്ള സമയം ഇന്ന് ( വെള്ളിയാഴ്ച) അവസാനിക്കുന്നു. നാഷണൽ ടെസ്റ്റിങ് ഏജൻസി നൽകിയ സമയക്രമം അനുസരിച്ച് ജനുവരി 30, രാത്രി 11:50 വരെ മാത്രമേ ഉദ്യോഗാർത്ഥികൾക്ക് അപേക്ഷാ ഫോമിൽ മാറ്റങ്ങൾ വരുത്താൻ സാധിക്കൂ. 2025 ഡിസംബർ 19-നകം അപേക്ഷിച്ചവർക്ക് exams.nta.nic.in/cuet-pg എന്ന വെബ്സൈറ്റ് വഴി വിവരങ്ങൾ തിരുത്താവുന്നതാണ്.

To advertise here,

പ്രധാന വിവരങ്ങൾ ഒറ്റനോട്ടത്തിൽ

  • തിരുത്തൽ വിൻഡോ: ജനുവരി 28 മുതൽ ജനുവരി 30 (11:50 PM) വരെ.

  • പരീക്ഷാ തീയതി: 2026 മാർച്ച്

  • പരീക്ഷാ രീതി: കമ്പ്യൂട്ടർ അധിഷ്ഠിത പരീക്ഷ (CBT).

മാർക്കിങ് രീതിയും ചോദ്യഘടനയും

 വിവരങ്ങൾ
ആകെ ചോദ്യങ്ങൾ75 മൾട്ടിപ്പിൾ ചോയ്സ് ചോദ്യങ്ങൾ (MCQ)
പരീക്ഷാ സമയം90 മിനിറ്റ്
ശരിയായ ഉത്തരം+4 മാർക്ക്
തെറ്റായ ഉത്തരം-1 മാർക്ക് (നെഗറ്റീവ് മാർക്കിംഗ്)
അറ്റൻഡ് ചെയ്യാത്തവ0 മാർക്ക്

ഒരു ചോദ്യം തെറ്റാണെന്ന് കണ്ട് ഒഴിവാക്കുകയാണെങ്കിൽ (Dropped Question),  പരീക്ഷ എഴുതിയ എല്ലാ ഉദ്യോഗാർത്ഥികൾക്കും നാല് മാർക്ക് വീതം നൽകുന്നതാണ്.

എന്തൊക്കെ ശ്രദ്ധിക്കണം?

അപേക്ഷകർക്ക് അനുവദനീയമായ വിവരങ്ങളും പരീക്ഷാ കേന്ദ്രത്തിനുള്ള മുൻഗണനകളും (City Preferences) മാറ്റാൻ അവസരമുണ്ട്. തിരുത്തലുകൾ വരുത്തുമ്പോൾ അധിക ഫീസ് നൽകേണ്ട സാഹചര്യമുണ്ടെങ്കിൽ അത് ഡെബിറ്റ്/ക്രെഡിറ്റ് കാർഡുകൾ വഴിയോ യുപിഐ വഴിയോ ഓൺലൈനായി അടയ്ക്കാം. ലാംഗ്വേജ് പേപ്പറുകൾ ഒഴികെയുള്ളവ ഇംഗ്ലീഷിലും ഹിന്ദിയിലും ലഭ്യമായിരിക്കും, എന്നാൽ എം.ടെക്, ഹയർ സയൻസ് വിഷയങ്ങൾ ഇംഗ്ലീഷിൽ മാത്രമായിരിക്കും നടക്കുക.