ന്യൂഡല്‍ഹി: സി.ബി.എസ്.ഇ. 10, 12 ക്ലാസുകളിലെ ബോര്‍ഡ് പരീക്ഷയുടെ സമയക്രമം ചൊവ്വാഴ്ച പുറത്തിറക്കുമെന്ന് വിദ്യാഭ്യാസമന്ത്രി രമേഷ് പൊഖ്‌റിയാല്‍. മേയ് നാലു മുതല്‍ ജൂണ്‍ 10 വരെയാണ് പരീക്ഷകള്‍. ജൂലായ് 15നകം ഫലം പ്രസിദ്ധീകരിക്കും.
സാധാരണ ഫെബ്രുവരി മാര്‍ച്ചിലാണ് ബോര്‍ഡ് പരീക്ഷകള്‍ നടത്താറുള്ളത്. ഈ അധ്യയനവര്‍ഷം കോവിഡ്കാരണം സ്‌കൂളുകള്‍ തുറക്കാതിരുന്നതും മറ്റും കണക്കിലെടുത്താണ് വൈകിയത്. സിലബസിലും ഇക്കുറി കുറവു വരുത്തിയിരുന്നു.
1975-നുശേഷം സി.ബി.എസ്.ഇ. ബോര്‍ഡ് പരീക്ഷ എഴുതിയ എല്ലാവരുടെയും മാര്‍ക്ക് ഷീറ്റ് ഉള്‍പ്പെടെയുള്ള രേഖകള്‍ ഡിജിറ്റല്‍ രൂപത്തിലാക്കി സൂക്ഷിക്കാനും തീരുമാനിച്ചിട്ടുണ്ട്. പഴയ രേഖകള്‍ എളുപ്പത്തില്‍ ലഭിക്കാനാണിത്.
പുതിയ വിദ്യാഭ്യാസനയം നടപ്പാക്കുന്നതുമായി ബന്ധപ്പെട്ട് പത്തു ലക്ഷം അധ്യാപകര്‍ക്ക് സി.ബി.എസ്.ഇ. പരിശീലനം നല്‍കും.
Content Highights: CBSE date sheet will be released tuesday
Published: 29 Jan 2021, 12:38 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented