നാഷണൽ കൗൺസിൽ ഫോർ കോ-ഓപ്പറേറ്റീവ് ട്രെയിനിങ് (എൻസിസിടി) സ്ഥാപനമായ, പുണെ വൈകുന്ത് മേത്ത നാഷണൽ ഇൻസ്റ്റിറ്റ്യൂട്ട് ഓഫ് കോ-ഓപ്പറേറ്റീവ് മാനേജ്‌മെന്റ് (വാമ്‌നികോം) [സാവിത്രിബായ് ഫുലെ പുണെ യൂണിവേഴ്‌സിറ്റി റോഡ്, പുണെ, മഹാരാഷ്ട്ര-411007], ബാച്ച്‌ലർ ഓഫ് ബിസിനസ് അഡ്മിനിസ്‌ട്രേഷൻ ഇൻ കോ-ഓപ്പറേറ്റീവ് ബാങ്കിങ്‌ ആൻഡ് ഫിനാൻസ് (ബിബിഎ-സിബിഎഫ്) ആദ്യ ബാച്ചിലേക്കുള്ള (2025-29) പ്രവേശനത്തിന് അപേക്ഷ ക്ഷണിച്ചു.

To advertise here,

യോഗ്യത: 10+2 (ഹയർ സെക്കൻഡറി)/ തത്തുല്യ പരീക്ഷ (സിബിഎസ്ഇ, ഐസിഎസ്ഇ, സ്റ്റേറ്റ് ബോർഡ്, എൻഐഒഎസ് അല്ലെങ്കിൽ ഏതെങ്കിലും അംഗീകൃത ബോർഡ്) ജനറൽ/ഒബിസി വിഭാഗക്കാരെങ്കിൽ കുറഞ്ഞത് 50-ഉം എസ്‌സി/എസ്ടി വിഭാഗക്കാരെങ്കിൽ 45-ഉം ശതമാനം മാർക്കുവാങ്ങി ജയിച്ചിരിക്കണം.

ഇനിപ്പറയുന്ന ഏതെങ്കിലും ദേശീയതല പ്രവേശനപ്പരീക്ഷയിൽ സാധുവായ സ്കോർ വേണം:

(i) നാഷണൽ ടെസ്റ്റിങ്‌ ഏജൻസി നടത്തുന്ന കോമൺ യൂണിവേഴ്‌സിറ്റി എൻട്രൻസ് ടെസ്റ്റ് -2025

(ii) ഓൾ ഇന്ത്യ മാനേജ്മെന്റ് അസോസിയേഷൻ നടത്തുന്ന അണ്ടർ ഗ്രാജ്വേറ്റ് ആപ്റ്റിറ്റ്യൂഡ് ടെസ്റ്റ് -2025

(iii) ഇന്ത്യൻ ഇൻസ്റ്റിറ്റ്യൂട്ട് ഓഫ് മാനേജ്‌മെന്റ് നടത്തുന്ന ഇന്റഗ്രേറ്റഡ് പ്രോഗ്രാം ഇൻ മാനേജ്‌മെന്റ് ആപ്റ്റിറ്റ്യൂഡ് ടെസ്റ്റ് -2025

അപേക്ഷ www.vamnicom.gov.in വഴി ഓഗസ്റ്റ് 26 വരെ നൽകാം (ലേറ്റസ്റ്റ് ന്യൂസിലെ ലിങ്ക് വഴി).