സുൽത്താൻബത്തേരി : ചീരാൽ വെണ്ടോലിൽ വീട്ടുകാർ ഉറങ്ങിക്കിടക്കവേ സമീപത്തെ തെങ്ങ് പൊട്ടിവീണ് മേൽക്കൂര തകർന്നു. ഞെട്ടിയുണർന്ന് പുറത്തേക്കോടിയ വീട്ടുകാർ അദ്ഭുതകരമായി രക്ഷപ്പെടുകയായിരുന്നു. വെള്ളാട് സുരേഷിന്റെ വീടിനുമുകളിലേക്കാണ് ചൊവ്വാഴ്ച രാത്രി 12.30-ഓടെ തെങ്ങ് വീണത്.
തെങ്ങ് വീണതിന്റെ ആഘാതത്തിൽ ഒറ്റമുറി വീടിന്റെ മേൽക്കൂര മേഞ്ഞിരുന്ന ആസ്ബറ്റോസ് ഷീറ്റിന്റെ ഭാഗങ്ങളും തേങ്ങകളും ഇവരുടെ ദേഹത്തേക്ക് പതിച്ചെങ്കിലും പരിക്കേൽക്കാതെ രക്ഷപ്പെടുകയായിരുന്നു.
സുരേഷും ഭാര്യ കലയും രണ്ടു പെൺമക്കളുമാണ് ഈ മുറിയിൽ ഉറങ്ങിയിരുന്നത്. 11.30-ഓടെ ഉറങ്ങാൻകിടന്നത്. കേടുബാധിച്ച തെങ്ങ് പൊട്ടിവീണതോടെ ഈ കുടുംബത്തിന്റെ ഏക ആശ്രയമാണ് ഇല്ലാതായത്.
14 വർഷത്തോളമായി പഞ്ചായത്തിൽ പുതിയ വീടിനായി അപേക്ഷനൽകിയിട്ടും ലഭിച്ചിരുന്നില്ല.
ഇതേത്തുടർന്ന് മൂന്നുമാസം മുൻപ് അടച്ചുറപ്പുള്ള ഒറ്റമുറിവീട് ഉണ്ടാക്കുകയായിരുന്നു. ഇതിന്മേലാണ് തെങ്ങ് വീണ് മേൽക്കൂരയാകെ തകർന്നത്.
രക്ഷപ്പെട്ടതിന്റെ ആശ്വാസത്തിലും താമസത്തിന് എന്തുചെയ്യുമെന്ന ആശങ്കയിലാണ് കുടുംബം.
Published: 19 Nov 2026, 03:47 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented