ഹിസോര്‍ (താജിക്കിസ്താന്): കാഫ നേഷന്‍സ് കപ്പില്‍ അഫ്ഗാനിസ്താനെതിരേ ഇന്ത്യക്ക് സമനില. ഇരുടീമുകളും മികച്ച മുന്നേറ്റം കാഴ്ചവെച്ചെങ്കിലും ഗോള്‍ അകന്നുനിന്നു. രണ്ട് ടീമുകളും പ്രതിരോധനിരയിലും മികച്ച പ്രകടനം നടത്തി. ഗ്രൂപ്പ് ഘട്ടത്തിലെ ഇന്ത്യയുടെ അവസാന മത്സരമായിരുന്നു. ഗോള്‍രഹിത സമനിലയില്‍ പിരിഞ്ഞതോടെ ടൂര്‍ണമെന്റിലെ ഇന്ത്യയുടെ ഭാവിയറിയാന്‍ രാത്രിയിലെ ഇറാന്‍-താജിക്കിസ്താന് മത്സരഫലം കാത്തിരിക്കണം. ടൂർണമെന്‍റിൽനിന്ന് അഫ്ഗാനിസ്താന്‍ പുറത്തായി.
മത്സരത്തില്‍ ഇന്ത്യ മികച്ച ആധിപത്യം കാണിച്ചിട്ടും അഫ്ഗാന്‍ പ്രതിരോധത്തെ മറികടന്ന് അനുകൂലമായൊരു ഫലം സൃഷ്ടിക്കാന്‍ സാധിച്ചില്ല. ഓരോന്നുവീതം ജയവും തോല്‍വിയും സമനിലയുമായി ഇന്ത്യക്ക് നാല് പോയിന്റാണുള്ളത്. താജിക്കിസ്താന് മൂന്ന് പോയിന്റാണ്.
ആദ്യമത്സരത്തില്‍ താജിക്കിസ്താനെ തകര്‍ത്ത ഇന്ത്യ, രണ്ടാം മത്സരത്തില്‍ ശക്തരായ ഇറാനോട് പൊരുതിനിന്നശേഷം തോറ്റു. ഇതോടെ പുതിയ പരിശീലകൻ ഖാലിദ് ജമീലിന്റെ കീഴിൽ ഇന്ത്യ ഒരു ജയവും ഒരു സമനിലയും നേടിയപ്പോൾ ഒരു തോൽവിയും വഴങ്ങി.
Content Highlights: India Held to Goalless Draw by Afghanistan, CAFA Nations Cup Hopes Fade
Published: 04 Sept 2025, 08:49 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented