വിജയനഗരം: രഞ്ജി ട്രോഫി എലൈറ്റ് ഗ്രൂപ്പ് ബി മത്സരത്തില് ആന്ധ്രയ്ക്കെതിരേ വിജയത്തോടടുത്ത് കേരളം. മൂന്നാം ദിനം കളിയവസാനിക്കുമ്പോള് രണ്ടാം ഇന്നിങ്സില് 19-1 എന്ന നിലയിലാണ് ആന്ധ്ര. ഓപ്പണര് രേവന്ത് റെഡ്ഡിയുടെ വിക്കറ്റാണ് നഷ്ടമായത്. ഇന്നിങ്സ് തോല്വി ഒഴിവാക്കാന് ആന്ധ്രയ്ക്ക് 223 റണ്സ് കൂടി വേണം. നേരത്തേ ഒന്നാം ഇന്നിങ്സില് 242 റണ്സിന്റെ ലീഡാണ് കേരളം നേടിയത്.
മൂന്നാം ദിനം 258-3 എന്ന നിലയില് ബാറ്റിങ്ങാരംഭിച്ച കേരളത്തിന് സെഞ്ചുറി തികച്ച സച്ചിന് ബേബിയുടെ വിക്കറ്റാണ് ആദ്യം നഷ്ടമായത്. 113 റണ്സെടുത്ത താരത്തെ മനീഷ് ഗൊലമാരു പുറത്താക്കി. ശേഷം ക്രീസിലിറങ്ങിയ സല്മാന് നിസാറുമൊത്ത് അക്ഷയ് ചന്ദ്രന് മികച്ച കൂട്ടുകെട്ടുണ്ടാക്കി. ഇരുവരും ചേര്ന്ന് ടീം സ്കോര് 400-കടത്തി. സ്കോര് 431-ല് നില്ക്കേ സല്മാന് നിസാര് (58) പുറത്തായി.
പിന്നാലെ തകര്പ്പന് ബാറ്റിങ്ങ് കാഴ്ചവെച്ച അക്ഷയ് ചന്ദ്രന് കേരളത്തിന് കൂറ്റന് സ്കോര് സമ്മാനിച്ചു. 184 റണ്സെടുത്ത താരം ടീം സ്കോര് 500 കടത്തി. അസറൂദ്ദീനും (40) ഭേദപ്പെട്ട ബാറ്റിങ് പുറത്തെടുത്തു. ഒടുവില് 514-7 എന്ന നിലയില് ടീം ഒന്നാം ഇന്നിങ്സ് ഡിക്ലയര് ചെയ്തു. 242 റണ്സിന്റെ ലീഡും നേടി.
ആന്ധ്രയ്ക്കായി മനീഷ് ഗൊലമാരു നാല് വിക്കറ്റെടുത്ത് തിളങ്ങി. നേരത്തേ ഒന്നാം ഇന്നിങ്സില് ആന്ധ്ര 272 റണ്സിന് ഓള് ഔട്ടായിരുന്നു.
Content Highlights: Ranji trophy Andhra vs Kerala Elite Group B match
Published: 18 Feb 2024, 08:03 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented