ഗോള്ഡ് കോസ്റ്റ്: ഓസ്ട്രേലിയന് ഓള്റൗണ്ടര് എല്ലിസ് പെറിയുടെ തൊപ്പിയില് മറ്റൊരു പൊന്തൂവല് കൂടി.
രാജ്യാന്തര ക്രിക്കറ്റില് 300 വിക്കറ്റുകളും 5000 റണ്സും നേടുന്ന ആദ്യ വനിതാ ക്രിക്കറ്റ് താരമെന്ന നേട്ടമാണ് പെറി സ്വന്തമാക്കിയത്. ഇന്ത്യന് വനിതകള്ക്കെതിരായ പിങ്ക് ടെസ്റ്റിന്റെ മൂന്നാം ദിനത്തിലാണ് പെറി ഈ നേട്ടം സ്വന്തമാക്കിയത്.
മത്സരത്തില് 76 റണ്സ് വഴങ്ങി രണ്ടു വിക്കറ്റ് വീഴ്ത്തിയ പെറി രാജ്യാന്തര ക്രിക്കറ്റില് 300 വിക്കറ്റുകള് തികയ്ക്കുകയായിരുന്നു. ഇന്ത്യന് താരം പൂജ വസ്ട്രാക്കറെ പുറത്താക്കിയാണ് പെറി ഈ നേട്ടത്തിലെത്തിയത്.
30-കാരിയായ പെറി രാജ്യാന്തര ക്രിക്കറ്റില് 300 വിക്കറ്റുകള് വീഴ്ത്തുന്ന ആദ്യ ഓസ്ട്രേലിയന് വനിതാ ക്രിക്കറ്റ് താരമാണ്. അന്താരാഷ്ട്ര ക്രിക്കറ്റില് ഈ നേട്ടം സ്വന്തമാക്കുന്ന മൂന്നാമത്തെ വനിതാ താരവും. ഇന്ത്യയുടെ ജുലന് ഗോസ്വാമി (337), ഇംഗ്ലണ്ടിന്റെ കാതറിന് ബ്രണ്ഡ് (301) എന്നിവരാണ് നേരത്തെ ഈ നേട്ടം സ്വന്തമാക്കിയ താരങ്ങള്.
ഒമ്പത് ടെസ്റ്റില് നിന്ന് 33 വിക്കറ്റുകളും 118 ഏകദിനങ്ങളില് നിന്ന് 152 വിക്കറ്റുകളും. 123 ട്വന്റി 20-യില് നിന്ന് 115 വിക്കറ്റുകളുമാണ് പെറിയുടെ സമ്പാദ്യം.
Content Highlights: Australian all-rounder Ellyse Perry added yet another feather to her cap
Published: 02 Oct 2021, 06:20 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented