മണിപ്പുര്‍ ശാന്തമാവണമെങ്കില്‍ ബിരേന്‍ സിങ്ങിനെ പുറത്താക്കണം- പട്രീഷ്യ മുഖീം

മനസ്സുകള്‍ വായിക്കാനുള്ള കഴിവ് എനിക്കില്ല. എന്തുകൊണ്ടാണ് ഭരണകൂടം ഇങ്ങനെ പെരുമാറുന്നതെന്ന് അറിയുക എളുപ്പമല്ല. ബി.ജെ.പിയുടെ മാനസസന്തതിയാണ് ബിരേന്‍ സിങ്. ഇത്തരമൊരു പണി ചെയ്യാന്‍ ബിരേന്‍ സിങ്ങിനേക്കാള്‍ മികച്ച മറ്റൊരാള്‍ ഇപ്പോള്‍ ബി.ജെ.പിയില്‍ ഇല്ല. മെയ്തികളില്‍ ഭൂരിഭാഗവും ഹിന്ദുക്കളാണ് എന്നതും ഒരു കാരണമാവാം. അതിലൊരു പ്രത്യയശാസ്ത്ര സൗഹൃദമുണ്ട്.

അങ്ങിനെ കേള്‍ക്കുന്നുണ്ട്. ഞാനും അതെക്കുറിച്ച് അന്വേഷിച്ചു കൊണ്ടിരിക്കുകയാണ്. പക്ഷേ, ഇതുവരെ ഇക്കാര്യത്തില്‍ തെളിവൊന്നും കിട്ടിയിട്ടില്ല. അറിയാവുന്ന ഒരു കാര്യം, കരിങ്കല്ലിനും മണലിനും വലിയ ആവശ്യക്കാരുണ്ടെന്നുള്ളതാണ്. മേഘാലയയില്‍നിന്നു നിത്യേനയെന്നോണം നിരവധി ട്രക്കുകളിലാണ് കരിങ്കല്ലും മണലും കടത്തുന്നത്. മണിപ്പുരിലെ മലയോര മേഖലകള്‍ കറപ്പ് കൃഷി മുക്തമാക്കുന്നതിന് ബിരേന്‍ സിങ് സര്‍ക്കാരിന് പദ്ധതിയുണ്ട്. കറപ്പ് കൃഷി നിയമപരമാക്കാനും നീക്കമുള്ളതായി റിപ്പോര്‍ട്ടുകളുണ്ട്. സര്‍ക്കാരിന് ഇതിലൂടെ കൂടുതല്‍ വരുമാനമുണ്ടാക്കാനാവും. ഇങ്ങനെ പല ലക്ഷ്യങ്ങളും ഭരണകൂടത്തിനുണ്ടാവും. ഒരു കലാപവും ശൂന്യതയില്‍നിന്ന് ഉണ്ടാവുന്നില്ല എന്നതാണ് വാസ്തവം.വിഭജിച്ച് ഭരിക്കുക എന്നതായിരുന്നു ബ്രിട്ടീഷ് സര്‍ക്കാരിന്റെ നയം. സ്വാതന്ത്ര്യം കിട്ടിയതിന് ശേഷം ഇന്ത്യ ഭരിച്ച ജനാധിപത്യ ഭരണകൂടങ്ങളും ഇതേ നയം പിന്തുടര്‍ന്നു എന്നതാണ് ഖേദകരം.

മെയ്തികള്‍ ആദിവാസകള്‍ അല്ലെന്നതിനാലാണ് പുതിയ നിയമപ്രകാരം അവര്‍ക്ക് മലയോര മേഖലയില്‍ ഭൂമി വാങ്ങാന്‍ സാധിക്കാത്തത്. പക്ഷേ, ജനസംഖ്യയില്‍ 53% വരുന്ന മെയ്തികളെ പത്ത് ശതമാനം മാത്രം വരുന്ന ഭൂമേഖലയില്‍ ഒതുക്കിനിരത്തുന്നതിനെ ന്യായീകരിക്കാനാവില്ല. ഭൂപരിഷ്‌കരണം അടിയന്തരമായി നടപ്പാക്കണമെന്ന് പറയേണ്ടിവരുന്നത് ഈ സാഹചര്യത്തിലാണ്.

ഇതൊരു വല്ലാത്ത അവസ്ഥയാണ്. മനുഷ്യര്‍ക്കിടയില്‍ അകല്‍ച്ച എത്രമാത്രം ആഴമേറിയതായിരിക്കുന്നു എന്നതിലേക്കാണ് ഇത് വിരല്‍ ചൂണ്ടുന്നത്. കുക്കികള്‍ ലഹരിമരുന്ന് കര്‍ഷകരും വ്യാപാരികളുമാണെന്നാണ് മെയ്തി വനിതകള്‍ നിരന്തരം കേള്‍ക്കുന്നത്. തങ്ങളുടെ മക്കളെ നശിപ്പിക്കുന്ന വര്‍ഗമായാണ് കുക്കികളെ മെയ്തി വനിതകള്‍ കാണുന്നത്. ഇത്തരം തെറ്റായ പ്രചാരണങ്ങളുടെ ഇരകളായി മാറിയിരിക്കുകയാണ് മെയ്തി വനിതകള്‍. ഈ പ്രചാരണമാണ് മനുഷ്യകവചമായി രംഗത്തുവരാന്‍ ഇവരെ പ്രേരിപ്പിക്കുന്നത്. കുറ്റവാളികളെത്തേടി വരുന്ന പട്ടാളത്തെ തടയാന്‍ തങ്ങളുടെ വനിതകളെ മനുഷ്യകവചമായി ഉപയോഗിക്കുകയാണ് മെയ്തികള്‍ ചെയ്യുന്നത്.

ബിരേന്‍ സിങ് സര്‍ക്കാര്‍ പുറത്തുപോവുകയാണ് ആദ്യം വേണ്ടത്. രണ്ട് വിഭാഗങ്ങളില്‍നിന്നും പൊതുസമ്മതരായവരെ കണ്ടെത്തി സമാധാന ചര്‍ച്ചകള്‍ക്ക് തുടക്കമിടണം. പക്ഷേ, ഇതത്ര എളുപ്പമുള്ള സംഗതിയല്ല. മണിപ്പുരിന്റെ ഭരണം കേന്ദ്ര സര്‍ക്കാര്‍ ഏറ്റെടുക്കട്ടെ. സായുധ സംഘടനകളുടെ കയ്യില്‍നിന്നും ആയുധങ്ങള്‍ തിരിച്ചുപടിക്കണം. ജനക്കൂട്ടങ്ങള്‍ ആയുധങ്ങളുമായി വിഹരിക്കുമ്പോള്‍ സമാധാനം ഒരിക്കലും പുനഃസ്ഥാപിക്കാനാവില്ല.

ഈ ഘട്ടത്തില്‍ രാഷ്ട്രീയ പാര്‍ട്ടികളെ ഉള്‍പ്പെടുത്തേണ്ടതുണ്ടെന്ന് ഞാന്‍ കരുതുന്നില്ല. രാഷ്ട്രീയപ്പാര്‍ട്ടികള്‍  വിഭാഗീയ ചിന്തകള്‍ക്ക് അത്രയധികം അടിപ്പെട്ടുകഴിഞ്ഞു. പൗരാവകാശ സംഘടനകളെയാണ് ഇപ്പോള്‍ സമാധാന ശ്രമത്തിനായി ഉള്‍പ്പെടുത്തേണ്ടത്.

ഏതാണ് ആസൂത്രിതം ഏതാണ് ആസൂത്രിതമല്ലാത്തത് എന്ന് പറയാനാവാത്ത സ്ഥിതിയാണ്. പുറംലോകത്തിന് വേണ്ടി സൃഷ്ടിക്കപ്പെടുന്ന കാഴ്ചയല്ലേ ഇതെന്ന് സംശയിച്ചാല്‍ കുറ്റം പറയാനാവില്ല. ഞങ്ങളും മനുഷ്യരാണ്, ഞങ്ങള്‍ക്കും അമ്മമാരും സഹോദരിമാരുമുണ്ട് എന്നൊക്കെ ലോകത്തെ ധരിപ്പിക്കാനുള്ള വ്യഗ്രത ഇതിന് പുറികലുണ്ടാവാം.അതുകൊണ്ടുതന്നെ യാഥാര്‍ത്ഥ്യം എന്താണെന്ന് നമുക്കറിയില്ല. കേന്ദ്ര സര്‍ക്കാര്‍ നിലപാടില്‍ വലിയ അവ്യക്തതയുണ്ട്. 355-ാം വകുപ്പ് മണിപ്പുരില്‍ നടപ്പാക്കിയെന്നൊരു പ്രചാരണമുണ്ടായിരുന്നു. സംസ്ഥാന സര്‍ക്കാരുകളെ പിരിച്ചുവിടാതെ തന്നെ ക്രമസമാധാന ചുമതല കേന്ദ്ര സര്‍ക്കാരിന് ഏറ്റെടുക്കാന്‍ ഇതിലൂടെ കഴിയും. പക്ഷേ, ബിരേന്‍ സിങ് തന്നെ ആണ് ഇപ്പോഴും അധികാരത്തില്‍. അദ്ദേഹം തന്നെയാണ് ഇക്കാര്യങ്ങളില്‍ അന്തിമ തീരുമാനമെടുക്കുന്നത്. ബിരേന്‍ സിങ് അധികാരത്തില്‍ തുടരുന്നിടത്തോളം കാലം സമാധാന നീക്കങ്ങള്‍ അര്‍ഥരഹിതമായിരിക്കും.