ദുബായ്: ദുബായ് എമിറേറ്റില്‍ ഹൈപ്പര്‍ മാര്‍ക്കറ്റുകളും എക്‌സ്പ്രസ് സ്റ്റോറുകളും ഉള്‍പ്പെടെ വിവിധ റീട്ടെയില്‍ പദ്ധതികള്‍ പ്രാവര്‍ത്തികമാക്കുന്നതിനായി ദുബായ് ഔഖാഫും ലുലു ഗ്രൂപ്പും ധാരണയായി.
ദുബായ് ഔഖാഫ് ആന്‍ഡ് മൈനേഴ്‌സ് അഫേഴസ് ഫൗണ്ടേഷന്‍ ചെയര്‍മാന്‍ ഈസ അബ്ദുള്ള അല്‍ ഗുറൈര്‍, ലുലു ഗ്രുപ്പ് ചെയര്‍മാന്‍ എം.എ. യൂസഫലി എന്നിവരുടെ സാന്നിധ്യത്തില്‍ ദുബായ് ഔഖാഫ് സെക്രട്ടറി ജനറല്‍ അലി അല്‍ മുത്തവ, ലുലു റീട്ടെയ്ല്‍ ഗ്ലോബല്‍ ഓപ്പറേഷന്‍ ഡയറക്ടര്‍ എം.എ സലിം എന്നിവര്‍ ഇതുസംബന്ധിച്ച ധാരണാപത്രത്തില്‍ ഒപ്പുവച്ചു.
വിവിധ ഷോപ്പിംഗ് കേന്ദ്രങ്ങളടക്കം ദുബായില്‍ വരാനിരിക്കുന്ന കമ്യൂണിറ്റി പദ്ധതികള്‍ ഔഖാഫിന്റെ സഹകരണത്തോടെ ലുലു യാഥാര്‍ത്ഥ്യമാക്കും. ഔഖാഫിന്റെ വിശാലമായ സാമൂഹിക-സാമ്പത്തിക ലക്ഷ്യങ്ങള്‍ നിറവേറ്റുന്നതിനായി റീട്ടെയില്‍ സേവനങ്ങള്‍ കൂടുതല്‍ മെച്ചപ്പെടുത്താനും ധാരണപത്രം വിഭാവനം ചെയ്യുന്നു.
പദ്ധതിയുടെ ഭാഗമായി ആദ്യത്തെ ഹൈപ്പര്‍മാര്‍ക്കറ്റ് ഈ വര്‍ഷം പകുതിയോടെ ദുബായ് അല്‍ ഖവാനീജ് 2 ല്‍ തുടങ്ങും.
റീട്ടെയില്‍ സേവനങ്ങള്‍ നല്‍കുന്നതിനായി ലുലുവിനെ തിരഞ്ഞെടുത്തതില്‍ ദുബായ് ഭരണ നേതൃത്വത്തിനും ദുബായ് ഔഖാഫിനും യൂസഫലി നന്ദി പറഞ്ഞു. ഔഖാഫിന്റെ വിവിധ പദ്ധതികളില്‍ ഹൈപ്പര്‍ മാര്‍ക്കറ്റുകളുള്‍പ്പെടെ റീട്ടെയില്‍ സേവനങ്ങള്‍ കൂടുതല്‍ വിപുലമായി പൊതുസമൂഹത്തിന് ലഭ്യമാക്കുന്നതിന് ഔഖാഫും ലുലുവും തമ്മിലുള്ള സഹകരണം വഴിതുറക്കുമെന്നും യൂസഫലി കൂട്ടിച്ചേര്‍ത്തു.
Content Highlights: Lulu Group & Dubai Awqaf Partner for Retail Expansion
Published: 07 Apr 2025, 04:52 pm IST
Related Topics
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented