മുംബൈ : 2030-31 അധ്യയനവർഷം മുതൽ മഹാരാഷ്ട്രയിൽ ഒന്നാം ക്ലാസിലേക്കുള്ള പ്രവേശനത്തിനുള്ള കുറഞ്ഞപ്രായം ആറു വയസ്സാക്കുമെന്ന് സർക്കാർ വ്യക്തമാക്കി. സ്കൂൾ വിദ്യാഭ്യാസവകുപ്പ് പുറപ്പെടുവിച്ച ഉത്തരവനുസരിച്ച് 2027-28 അധ്യയനവർഷത്തിലെ നഴ്‌സറി പ്രവേശനം മുതൽ ഘട്ടംഘട്ടമായി ഇത് നടപ്പിലാക്കിത്തുടങ്ങും. 2027-28 മുതൽ നഴ്‌സറിയിലോ അങ്കണവാടിയിലോ പ്രവേശനത്തിന് കുട്ടികൾക്ക് കുറഞ്ഞത് മൂന്നു വയസ്സ് പ്രായമുണ്ടായിരിക്കണം. 2028-29 മുതൽ ജൂനിയർ കെ.ജി. പ്രവേശനത്തിന് നാലു വയസ്സ് പ്രായമുണ്ടായിരിക്കണം. 2029-30 മുതൽ സീനിയർ കെ.ജി. പ്രവേശനത്തിന് അഞ്ചു വയസ്സ് പ്രായമുണ്ടായിരിക്കണമെന്നും ഉത്തരവിൽ വ്യക്തമാക്കുന്നു. 2020-ലെ ദേശീയ വിദ്യാഭ്യാസനയത്തിലെ വ്യവസ്ഥകൾ പ്രകാരം ഒന്നാം ക്ലാസിൽ പ്രവേശിക്കുന്നതിന് ആറുവയസ്സിന് മുകളിൽ പ്രായമുണ്ടായിരിക്കണമെന്ന കേന്ദ്രനിർദേശത്തിന് അനുസൃതമായാണ് സംസ്ഥാനം പ്രായമാനദണ്ഡം നിശ്ചയിച്ചിരിക്കുന്നതെന്ന് വിദ്യാഭ്യാസവകുപ്പ് വ്യക്തമാക്കി.

To advertise here,