കാഠ്മണ്ഡു: നേപ്പാൾ- ടിബറ്റ് അതിർത്തിയിൽ തടാകം തകർന്നു. അപകട സാധ്യതയുള്ളതിനാൽ നിലവിൽ ദുരിതാശ്വാസ-രക്ഷാപ്രവർത്തനത്തിൽ ഏർപ്പെട്ടിരിക്കുന്ന സുരക്ഷാസേനാംഗങ്ങളോടും രക്ഷാപ്രവർത്തകരോടും ജാഗ്രത പാലിക്കാനും സുരക്ഷിതമായ സ്ഥലങ്ങളിലേക്ക് മാറാനും നേപ്പാൾ പോലീസ് അഭ്യർഥിച്ചു.

To advertise here,

നേപ്പാളിൽ രണ്ടുദിവസം മുൻപുണ്ടായ മിന്നൽ പ്രളയത്തിൽ 469 പേർക്കാണ് ജീവൻ നഷ്ടമായത്. നേപ്പാളിലും ടിബറ്റിലുമായി 1,500-ൽ അധികം ആളുകളെ കാണാതായിട്ടുമുണ്ട്. മിന്നൽ പ്രളയം സൃഷ്ടിച്ച ദുരന്തത്തെ നേരിട്ടുകൊണ്ടിരിക്കവേയാണ് അടുത്ത പ്രഹരമെന്നോണം തടാകം തകർന്നത്. ഇവിടെനിന്നുള്ള വെള്ളം പ്രളയത്തിന് വഴിവെക്കാനിടയുള്ളതിനാലാണ് രക്ഷാപ്രവർത്തകർക്ക് മുന്നറിയിപ്പ് നൽകിയിട്ടുള്ളത്. ആയിരക്കണക്കിന് സുരക്ഷാസേനാംഗങ്ങളും രക്ഷാപ്രവർത്തകരുമാണ് ദുരന്തബാധിത മേഖലയിൽ രക്ഷാപ്രവർത്തനം നടത്തിക്കൊണ്ടിരിക്കുന്നത്.

അതേസമയം, ഇനിയും പ്രളയം ഉണ്ടാകാനിടയുണ്ടോ എന്ന് പരിശോധിക്കുന്നതിനായി ഭോട്ടെ കോശി നദീപരിസരത്തേക്ക് നേപ്പാൾ സൈന്യം, ഒരു സംഘത്തെ അയച്ചിട്ടുണ്ടെന്ന് വാർത്താ ഏജൻസിയായ എപി റിപ്പോർട്ട് ചെയ്യുന്നു.