തെന്മല: ഓടിക്കൊണ്ടിരുന്ന കെ.എസ്.ആര്‍.ടി ബസില്‍ വെള്ളിമൂങ്ങ ഇടിച്ചുകയറി ചില്ല് തകര്‍ന്നു. രാത്രി എട്ടരയോടെ കൊല്ലം-തിരുമംഗലം ദേശീയപാതയില്‍ ഇടപ്പാളയം മുസ്ലിം പള്ളിക്ക് സമീപമാണ് സംഭവം.
കൊല്ലത്തുനിന്ന് തെങ്കാശിയിലേക്ക് പോയ ബസിന്റെ മുന്‍വശത്തെ ചില്ലില്‍, ദിശതെറ്റി പറക്കുന്നതിനിടയില്‍ വെള്ളിമൂങ്ങ ശക്തമായിവന്ന് ഇടിക്കുകയായിരുന്നു. ഇടിയേറ്റ് ചില്ലിന്റെ മുകള്‍ഭാഗത്ത് കേടുപാടുണ്ട്. അതിനാല്‍ ചില്ല് പൂര്‍ണമായും മാറ്റണം. ഇടിയുടെ ആഘാതത്തില്‍ മൂങ്ങ റോഡരികില്‍തന്നെ ചത്തുവീഴുകയും ചെയ്തു.
വനം വകുപ്പ് ജീവനക്കാര്‍ സ്ഥലത്തെത്തി. വാഹനത്തിന്റെ പ്രകാശമടിച്ചതോടെ മൂങ്ങയുടെ കാഴ്ചമറഞ്ഞതാകാമെന്നാണ് കരുതുന്നത്. പോലീസെത്തി മേല്‍നടപടികള്‍ സ്വീകരിച്ചതിനുശേഷം മാത്രമേ യാത്ര തുടരാന്‍ കഴിയു എന്നതിനാല്‍ രാത്രി വൈകിയും ബസ് തെങ്കാശിയിലേക്ക് പോയിട്ടില്ല.
content highlights: owl crashes into KSRTC bus, front glass brokened
Published: 16 Dec 2021, 10:16 pm IST
Disclaimer: Kindly avoid objectionable, derogatory, unlawful and lewd comments, while responding to reports. Such comments are punishable under cyber laws. Please keep away from personal attacks. The opinions expressed here are the personal opinions of readers and not that of Mathrubhumi.
Most Commented