തിരുവനന്തപുരം: ലയണൽ മെസ്സിയെ കേരളത്തിലെത്തിക്കുമെന്ന് പ്രചരിപ്പിച്ച് നടത്തിയ സാമ്പത്തിക ഇടപാടുമായി ബന്ധപ്പെട്ട ജിഎസ്ടി തട്ടിപ്പിൽ മൂന്ന് ഉദ്യോഗസ്ഥർക്കെതിരേ നടപടി. ഉദ്യോഗസ്ഥർക്ക് ജി.എസ്.ടി. കമ്മീഷണർ ചാർജ് മെമ്മോ നൽകി. നികുതി പിരിക്കുന്നതിൽ ജി.എസ്.ടി. ഉദ്യോഗസ്ഥർ വീഴ്ചവരുത്തിയെന്ന് പ്രത്യേക അന്വേഷണ സംഘം (എസ്.ഐ.ടി.) കണ്ടെത്തിയതിനെ തുടർന്നാണ് നപടി.
വടക്കൻ മേഖലാ ജോയിന്റ് കമ്മീഷണർ ശ്രീവത്സ, കാസർകോട് ഡെപ്യൂട്ടി കമ്മീഷണർ വി. സജിത്ത്, ഇന്റലിജൻസ് ഓഫീസർ സജിനി എന്നിവർക്കാണ് ചാർജ് മെമ്മോ നൽകിയിരിക്കുന്നത്. സ്പോൺസർക്ക് മെമ്മോ നൽകുന്നതിൽ കാലതാമസമുണ്ടായതായും അന്വേഷണ സംഘം കണ്ടെത്തിയിട്ടുണ്ട്.
ജി.എസ്.ടി. തട്ടിപ്പുമായി ബന്ധപ്പെട്ട വിവരം ലഭിച്ചിട്ടും സ്പോൺസർമാരായ റിപ്പോർട്ടർ ബ്രോഡ്കാസ്റ്റിങ് കമ്പനിയിൽനിന്ന് ജി.എസ്.ടി. തുകയായ 22.68 കോടി രൂപ പിരിച്ചെടുക്കുന്നതിൽ ഉദ്യോഗസ്ഥർക്ക് വീഴ്ച സംഭവിച്ചുവെന്നാണ് എസ്.ഐ.ടിയുടെ പ്രാഥമിക കണ്ടെത്തൽ.
തിങ്കളാഴ്ച രാവിലെ കോഴിക്കോട്ടെ ജി.എസ്.ടി. ഓഫീസിലേക്ക്, കാഞ്ഞങ്ങാട്ടെ ഇന്റലിജൻസ് ഓഫീസറെ വിളിച്ചുവരുത്തി മൊഴി രേഖപ്പെടുത്തിയിരുന്നു. ഇതിന്റെ തുടർച്ചയായാണ് ജി.എസ്.ടി. കമ്മീഷണർ മൂന്ന് ഉദ്യോഗസ്ഥർക്ക് ചാർജ് മെമ്മോ നൽകിയത്.
പ്രത്യേകാന്വേഷണ സംഘം പ്രാഥമിക അന്വേഷണ റിപ്പോർട്ട് ഇന്ന് കൈമാറിയേക്കും. ഇതിന് പിന്നാലെ കൂടുതൽ നടപടി ഉണ്ടായേക്കുമെന്നാണ് വിവരം.
Content Highlights: Three GST officials issued charge memos by the Commissioner, Failure to collect Rs 22.68 crore GST from event sponsors, SIT finds delay in issuing memos to sponsors, Preliminary SIT investigation report to be submitted soon
Published: 17 Aug 2026, 02:43 pm IST
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented