
തളിപ്പറമ്പ്: അരിയിൽ ഷുക്കൂർ വധകേസ് പ്രതിയും പട്ടുവം ഗ്രാമപ്പഞ്ചായത്ത് സ്ഥിരം സമിതി അധ്യക്ഷനുമായ പി.പി. സുരേശനുമുന്നിൽ അരിയിലെ പുട്ബോൾ ടീമിന്റെ നിശബ്ദ പ്രതിഷേധം. കഴിഞ്ഞ ദിവസം പട്ടുവം ടർഫിൽ നടന്ന ഫുട്ബോൾ മത്സരത്തിനിടെയായിരുന്നു സംഭവം.
ഷുക്കൂറിന്റെ സുഹൃത്തുക്കൾ ഉൾപ്പടുന്ന അരിയിൽ ഹരിത ടീമും എതിർ ടീമും ഗ്രൗണ്ടിൽ വിശിഷ്ടാതിഥികളെ പരിചയപ്പെടാനായി നിരന്നുനിൽക്കുകയായിരുന്നു. കളിക്കാരെ അഭിവാദ്യം ചെയ്യാനായി മുൻ പഞ്ചായത്ത് പ്രസിഡന്റ് പി. ശ്രീമതിയും മറ്റ് അംഗങ്ങളും ഗ്രൗണ്ടിലിറങ്ങി. ഒടുവിലായാണ് ഷുക്കൂർ വധക്കേസ് പ്രതി പി.പി. സുരേശൻ കളിക്കാർക്കുമുന്നിലെത്തിയത്. അഭിവാദ്യം ചെയ്യാനായി അരിയിലെ ഫുട്ബോൾ ടീമിനുനേരേ കൈനീട്ടിയപ്പൾ ഹരിത ടീം കളിക്കാർ കൈകൊടുത്ത് അഭിവാദ്യം ചെയ്യാൻ തയ്യാറായില്ല. ഒരടി പിറകോട്ടേക്ക് വലിഞ്ഞു. ഇതോടെ ഈ രംഗങ്ങൾ സൂഹമാധ്യങ്ങളിലും ചർച്ചയായി.
എം.എസ്.എഫ്. നേതാവായിരുന്ന ഷുക്കൂർ വധക്കേസിൽ കൊച്ചിയിലെ സി.ബി.ഐ. കോടതി വിധി പറയാനിരിക്കുകയാണ്. 2012 ഫെബ്രുവരി 20-ന് കണ്ണപുരം കീഴറ വള്ളുവൻ കടവിൽ വെച്ചാണ് ഷുക്കൂർ കൊല്ലപ്പെട്ടത്. സി.പി.എം. നേതാക്കളുൾപ്പെടെയുള്ളവരാണ് പ്രതികൾ. കേസ് തിങ്കളാഴ്ച കോടതി പരിഗണിക്കും.
Content Highlights: Ariyil Haritha football team staged a silent protest against accused PP Sureshan., Players refused to shake hands with the local panchayat standing committee chairman during a match at Pattuvam turf., CBI court in Kochi is set to deliver the verdict in the MSF leader Shukoor murder case.
Published: 16 Nov 2026, 07:41 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented