ന്യൂഡല്‍ഹി: ടിബറ്റന്‍ ബുദ്ധ ആത്മീയ നേതാവ് ദലൈലാമയ്ക്ക് ഇസഡ് കാറ്റഗറി സുരക്ഷയൊരുക്കി കേന്ദ്ര സര്‍ക്കാര്‍. ദലൈലാമയുടെ ജീവന് ഭീഷണിയുണ്ടെന്ന് കേന്ദ്ര ആഭ്യന്തര മന്ത്രാലയത്തിന് ലഭിച്ച ഇന്റലിജന്‍സ് റിപ്പോര്‍ട്ടിന്റെ അടിസ്ഥാനത്തിലാണ് സുരക്ഷ ഇസഡ് കാറ്റഗറിയിലേക്ക്
ഉയര്‍ത്തിയത്.
സുരക്ഷ വര്‍ധിപ്പിക്കുന്നതുമായി ബന്ധപ്പെട്ട് ആഭ്യന്തരമന്ത്രാലയത്തിന്റെ ഉത്തരവ് പുറപ്പെടുവിക്കുന്ന നിമിഷം മുതല്‍ ഇസഡ് കാറ്റഗറി സുരക്ഷ ദലൈലാമയ്ക്ക് നല്‍കാനാണ് നിര്‍ദ്ദേശം. വീട്ടിലും പുറത്തുപോകുമ്പോഴും മുപ്പത്തിമൂന്ന് സുരക്ഷാ ഉദ്യോഗസ്ഥര്‍ അധികമുള്ള സംഘം എപ്പോഴും ഉണ്ടായിരിക്കണം എന്നാണ് നിര്‍ദേശം.
1989 മുതലാണ് ദലൈലാമ ഹിമാചല്‍ പ്രദേശിലെ ധരംശാലയില്‍ താമസം ആരംഭിച്ചത്. അന്നുമുതല്‍ അദ്ദേഹത്തിന് സുരക്ഷാഭീഷണികള്‍ ലഭിച്ചിരുന്നു. നിരവധി സംഘടനകളില്‍ നിന്നും നിരന്തരം ഭീഷണി ലഭിച്ചതിന്റെ പശ്ചാത്തലത്തില്‍ ഇന്ത്യാഗവണ്‍മെന്റ് ദലൈലാമയ്ക്ക് ഓരോ കാലഘട്ടത്തിലും സുരക്ഷകള്‍ ഏര്‍പ്പെടുത്തിയിരുന്നു.
Content Highlights: Threat to life dalailama security has been upgraded to Z category
Published: 13 Feb 2025, 06:07 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented