ലഖ്‌നൗ: ഉത്തര്‍പ്രദേശിലെ ജലാലാബാദില്‍ നടുറോഡില്‍ കാല്‍നടയാത്രക്കാരനെ തുടരെത്തുടരെ കുത്തിയെറിഞ്ഞ് തെരുവുകാള. സംഭവത്തിന്റെ വീഡിയോ സോഷ്യല്‍മീഡിയയില്‍ വൈറലായിരിക്കുകയാണ്.
തിരക്കുള്ള റോഡില്‍വെച്ചാണ് കാള യുവാവിനെ ആക്രമിച്ചത്. പിന്നില്‍നിന്ന് കുത്തേറ്റ ഇയാള്‍ വീണിടത്തുനിന്ന് എഴുന്നേല്‍ക്കാന്‍ ശ്രമിക്കവെ കാള വീണ്ടും കുത്തി തെറിപ്പിക്കുകയായിരുന്നു. സംഭവത്തില്‍ യുവാവിന്റെ ഇടതുകണ്ണിന് മുറിവേറ്റിട്ടുണ്ട്.
തെരുവിൽ ഭീകരാന്തരീക്ഷം സൃഷ്ടിച്ച കാള പതിനഞ്ചുപേരെ ആക്രമിച്ചിട്ടുണ്ടെന്നാണ് പുറത്തുവരുന്ന വിവരം. സംഭവം നടന്ന് ഒരു മണിക്കൂറിന് ശേഷം ജലാലാബാദ് മുന്‍സിപ്പല്‍ കൗണ്‍സില്‍ കാളയെ കെണിയിലാക്കാന്‍ ശ്രമംതുടങ്ങിയെങ്കിലും മൂന്ന് മണിക്കൂര്‍ നീണ്ട പരിശ്രമങ്ങള്‍ക്കൊടുവിലാണ് കാളയെ പിടികൂടാനായത്.
കഴിഞ്ഞമാസം സൂപ്പര്‍ടെക് ഓക്‌സ്‌ഫേര്‍ഡ് സ്‌ക്വയര്‍ 16 ബി സെക്ടറിലും സമാനമായ രീതിയില്‍ ബൈക്ക് യാത്രക്കാരനെ കാള ആക്രമിച്ച് പരിക്കേല്‍പ്പിച്ചിരുന്നു.
Content Highlights: Stray Bull Injures man in Uttar Pradesh
Published: 26 Nov 2024, 05:20 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented