നിരവധി ആരാധകരുള്ള തെലുങ്ക് സൂപ്പര്‍താരമാണ് നന്ദമൂരി ബാലകൃഷ്ണ. ആരാധകര്‍ ബാലയ്യ എന്ന് വിളിക്കുന്ന അദ്ദേഹത്തിന്റെ ഏറ്റവും പുതിയ ചിത്രം അഖണ്ഡ 2: താണ്ഡവം വെള്ളിയാഴ്ച തിയേറ്ററുകളിലെത്തുകയാണ്. 2021-ല്‍ പുറത്തിറങ്ങിയ അഖണ്ഡ എന്ന ചിത്രത്തിന്റെ രണ്ടാം ഭാഗമാണ് അഖണ്ഡ 2. ചിത്രത്തിന്റെ പ്രൊമോഷനുമായി ബന്ധപ്പെട്ട തിരക്കിലാണ് ഇപ്പോള്‍ ബാലകൃഷ്ണ.

To advertise here,

Also Read: 'മാറിനില്‍ക്കങ്ങോട്ട്, നിന്നോടാരാ ഇവിടെ വരാന്‍ പറഞ്ഞത്'; ആരാധകനോട് പൊട്ടിത്തെറിച്ച് ബാലയ്യ | വീഡിയോ

പ്രൊമോഷന്റെ ഭാഗമായി വിവിധ ഭാഷകളിലായി നിരവധി അഭിമുഖങ്ങളാണ് ബാലകൃഷ്ണ നല്‍കുന്നത്. അത്തരത്തില്‍ ഒരു അഭിമുഖത്തില്‍ അദ്ദേഹം പറഞ്ഞ കാര്യമാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. നന്ദമൂരി ബാലകൃഷ്ണയുടെ ആരാധകര്‍ താരത്തോടുള്ള ആരാധന പ്രകടിപ്പിക്കാനായി വിളിക്കുന്ന മുദ്രാവാക്യമാണ് 'ജയ് ബാലയ്യാ' എന്നത്. ഈ മുദ്രാവാക്യത്തെ കുറിച്ചുള്ള ചോദ്യത്തിന്റെ ബാലയ്യയുടെ മറുപടിയാണ് വൈറലായത്.

Don’t Miss: ബാലയ്യയുടെ പവര്‍ കണ്ടോ! അഖണ്ഡ 2 ആദ്യ ടിക്കറ്റിനായി ഒരുലക്ഷം രൂപ ചെലവിട്ട് ആരാധകന്‍ | VIDEO

14 റീല്‍സ് പ്ലസിന്റെ യൂട്യൂബ് ചാനലില്‍ ബാലകൃഷ്ണയുമായുള്ള ഹിന്ദി അഭിമുഖത്തിനിടെയായിരുന്നു രസകരമായ ചോദ്യവും മറുപടിയും. 'താങ്കളുടെ ആരാധകര്‍ എല്ലായിടത്തും ജയ് ബാലയ്യാ എന്ന് ഉറക്കെ വിളിക്കുന്നു. ഈ മുദ്രാവാക്യം നിങ്ങള്‍ ആദ്യമായി കേട്ടത് എന്നാണ്?' -ഇതായിരുന്നു അവതാരകന്റെ ചോദ്യം. അമ്മയുടെ ഗര്‍ഭപാത്രത്തിലുള്ളപ്പോഴാണ് എന്നായിരുന്നു ബാലയ്യയുടെ മറുപടി.

'അമ്മയുടെ ഗര്‍ഭപാത്രത്തിലുള്ളപ്പോഴാണ് ഞാന്‍ ആദ്യമായി ആ മുദ്രാവാക്യം കേട്ടത്. അഭിമന്യു കേട്ടത് പോലെ. കുരുക്ഷേത്ര യുദ്ധത്തില്‍ പത്മവ്യൂഹത്തിനകത്തേക്ക് എങ്ങനെ പ്രവേശിക്കണമെന്ന് അമ്മയുടെ ഗര്‍ഭപാത്രത്തിലിരിക്കെ അഭിമന്യു കേട്ടില്ലേ. അതുപോലെ ഞാന്‍ എന്റെ അമ്മയുടെ ഗര്‍ഭപാത്രത്തിലുള്ളപ്പോഴാണ് ഇത് ആദ്യമായി കേട്ടത്.' -ഇതാണ് ബാലയ്യ മറുപടിയായി പറഞ്ഞത്.

Also Read: തിയേറ്ററുകളെ ഇളക്കിമറിക്കാന്‍ അഖണ്ഡ 2 വരുന്നു; ആരാധകര്‍ക്ക് ആവേശമായി ബാലയ്യ ചിത്രത്തിന്റെ ട്രെയിലര്‍ | വീഡിയോ