ആലപ്പുഴ ജില്ലയിലെ കുട്ടനാട് മുതല്‍ ജമ്മു കശ്മീരിലെ ലേ ജില്ലയിലെ ഖാര്‍ഡുങ് ലാ വരെ ബൈക്കില്‍ സോളോ ട്രിപ്പ് നടത്തിയ വീണ വിശ്വനാഥിനെ തേടിയെത്തി ഇന്ത്യ ബുക്ക് ഓഫ് റെക്കോഡ്‌സും. ഏറ്റവും ഉയരം കൂടിയ സഞ്ചാരയോഗ്യമായ സ്ഥലത്തേക്ക് പരമാവധി ദൂരം സഞ്ചരിയെന്ന സ്ത്രീയെന്ന റെക്കോഡാണ് വീണ സ്വന്തമാക്കിയത്. 2021 ഓഗസ്റ്റ് 15-ന് തുടങ്ങിയ യാത്ര സെപ്റ്റംബര്‍ അഞ്ചിന് പൂര്‍ത്തിയാപ്പോള്‍ 3760 കിലോമീറ്റര്‍ ദൂരമാണ് വീണ പിന്നിട്ടത്.

To advertise here,

സമുദ്രനിരപ്പില്‍നിന്ന് 17,982 അടി ഉയരത്തിലാണ് ഖാര്‍ഡുങ് ലാ സ്ഥിതി ചെയ്യുന്നത്. ഹോണ്ട ഹൈനസ് ബൈക്കിലാണ് വീണ കശ്മീര്‍ യാത്ര നടത്തിയത്. 

18-ാമത്തെ വയസ്സില്‍ തന്നെ ഡ്രൈവിങ് ലൈസന്‍സ് എടുത്ത വീണ അഞ്ച് വര്‍ഷത്തോളമായി ബൈക്കുകള്‍ ഓടിക്കുന്നുണ്ട്. മൂന്നാര്‍, വയനാട്, ഗോവ തുടങ്ങിയ സ്ഥലങ്ങളിലേക്ക് സോളോ ട്രിപ്പ് നടത്തിയിട്ടുണ്ട്.