ഒരു മാസം മുമ്പാണ് നടി ഷംന കാസിം ആണ്കുഞ്ഞിന് ജന്മം നല്കിയത്. കുഞ്ഞിനും ഭര്ത്താവ് ഷാനിദ് ആസിഫ് അലിക്കുമൊപ്പം ദുബായിലാണ് ഷംന ഇപ്പോള് താമസിക്കുന്നത്. അമ്മയായതിന് ശേഷമുള്ള ജീവിതം ആസ്വദിക്കുന്ന ഷംന ഇന്സ്റ്റഗ്രാമില് ഷാനിദിനൊപ്പമുള്ള ഒരു മനോഹര വീഡിയോ പങ്കുവെച്ചിരിക്കുകയാണ്.
ഷാനിദിനെ ആദ്യമായി പരിചയപ്പെട്ട ദിവസത്തിന്റെ ഓര്മയാണ് ഈ വീഡിയോയിലുള്ളത്. ഒരു മെയ് ഒമ്പതിന് ദുബായിലെ ഒരു സ്വകാര്യ ചടങ്ങില്വെച്ചാണ് ഇരുവരും കണ്ടുമുട്ടുന്നത്. അത് പിന്നീട് സൗഹൃദത്തിലേക്കും പ്രണയത്തിലേക്കും വളരുകയായിരുന്നു.
ആ ദിവസത്തിന്റെ ഓര്മയ്ക്കായി ഷാനിദിന് സര്പ്രൈസായി ഷംന പൂച്ചെണ്ട് സമ്മാനിക്കുന്നതാണ് വീഡിയോയിലുള്ളത്. എന്നാല് എന്താണ് കാര്യം എന്നറിയാതെ ഷാനിദ് അമ്പരയ്ക്കുന്നതും വീഡിയോയില് കാണാം. ആദ്യത്തെ കൂടിക്കാഴ്ച്ചയുടെ ദിവസമാണെന്ന് ഷാനിദിനെ ഓര്മപ്പെടുത്തുന്ന ഷംന കെട്ടിപ്പിടിക്കുന്നതും വീഡിയോയിലുണ്ട്.
ഇതിന് താഴെ ഇരുവര്ക്കും ആശംസ നേര്ന്ന് നിരവധി പേരാണ് കമന്റ് ചെയ്തത്. ജീവിതത്തിലുടനീളം ഈ സ്നേഹം നിലനില്ക്കട്ടെ എന്നായിരുന്നു ഒരു കമന്റ്.
ജെബിഎസ് ഗ്രൂപ്പ് ഓഫ് കമ്പനീസിന്റെ സ്ഥാപകനും സിഇഒയുമായ ഷാനിദ് ആസിഫ് അലിയുമായി കഴിഞ്ഞ ഒക്ടോബറിലായിരുന്നു ഷംനയുടെ വിവാഹം. കഴിഞ്ഞ ഏപ്രില് നാലിന് ഇരുവര്ക്കും ആണ്കുഞ്ഞ് പിറന്നു. ഹംദാന് ആസിഫ് അലി എന്നാണ് കുഞ്ഞിന്റെ പേര്.
Content Highlights: shamna kasim posts memory of meeting husband for the first time
Published: 11 May 2023, 09:59 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented