ഷിംല: ബോസ് ലീവ് അനുവദിക്കാത്തതിനെ തുടര്‍ന്ന് വീഡിയോ കോളിലൂടെ വിവാഹം നടത്തി യുവാവ്. ഹിമാചല്‍ പ്രദേശിലാണ് സംഭവം. തുര്‍ക്കിയില്‍ ജോലി ചെയ്യുന്ന ബിലാസ്പുർ സ്വദേശിയായ അദ്‌നാന്‍ മുഹമ്മദ് എന്ന യുവാവാണ് ഹിമാചലിലെ മണ്ഡി സ്വദേശിനിയായ യുവതിയെ വീഡിയോ കോള്‍ വഴി വിവാഹം ചെയ്തത്.
വിവാഹത്തിന് യുവാവ് ലീവ് ആവശ്യപ്പെട്ടെങ്കിലും നല്‍കാന്‍ ബോസ് വിസ്സമ്മതിച്ചു. വിവാഹം മാറ്റിവെക്കാന്‍ വധുവിന്റെ കുടുംബത്തെ സമീപിച്ചെങ്കിലും അസുഖബാധിതനായ വധുവിന്റെ മുത്തച്ഛന്‍ ഉടനടി വിവാഹം നടത്തിയേ തീരുവെന്ന് വാശിയിലായി. ഇതോടെ സമ്മര്‍ദത്തിലായ യുവാവ് വീഡിയോ കോളിലൂടെ വിവാഹം നടത്താമെന്ന തീരുമാനത്തിലെത്തുകയായിരുന്നു.
വധുവിന്റെ കുടുംബവും സമ്മതം മൂളിയതോടെ ഓണ്‍ലൈനായി ചടങ്ങ് നടത്തി. എല്ലാ ചടങ്ങുകളും വീഡിയോ കോള്‍ വഴിയാണ് നടത്തിയത്.
കഴിഞ്ഞ വര്‍ഷവും ഹിമാചല്‍ പ്രദേശില്‍ തന്നെ സമാനമായി വീഡിയോ കോളിലൂടെ വിവാഹം നടത്തിയിരുന്നു. മിന്നല്‍ പ്രളയവും ഉരുള്‍ പൊട്ടലും കാരണം വരന് വിവാഹസ്ഥലത്ത് എത്തിച്ചേരാന്‍ സാധിക്കാതെ വന്നതോടെയാണ് വിവാഹം ഓണ്‍ലൈനായി നടത്തിയത്.
Content Highlights: A man married his fiancee over video call after his boss denied him leave
Published: 08 Nov 2024, 10:07 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented