ബോളിവുഡിലെ താരദമ്പതിമാരാണ് കത്രീനാ കൈഫും വിക്കി കൗശലും. ഒട്ടേറെ ചിത്രങ്ങളിലൂടെ പ്രേക്ഷകരുടെ മനസില്‍ കുടിയേറിയ താരങ്ങളാണ് ഇരുവരും. ബല്‍റാം വേഴ്‌സസ് താരാദാസ് എന്ന മമ്മൂട്ടിച്ചിത്രത്തിലൂടെ കത്രീന മലയാളികള്‍ക്കും സുപരിചിതയാണ്. 2021-ലാണ് കത്രീനയും വിക്കിയും തമ്മില്‍ വിവാഹിതരായത്. ഇപ്പോഴിതാ ഇരുവരും കുഞ്ഞിനെ വരവേല്‍ക്കാനൊരുങ്ങുകയാണ് എന്നാണ് സൂചന.
ഇപ്പോള്‍ പുറത്തുവന്ന കത്രീനയുടെ പുതിയ ചിത്രമാണ് താരം ഗര്‍ഭിണിയാണെന്ന അഭ്യൂഹത്തിന് ഇടയാക്കിയത്. പരസ്യത്തിന്റെയോ മറ്റോ ചിത്രീകരണത്തിനിടെയുള്ള 'ബിഹൈന്‍ഡ് ദി സീന്‍' ചിത്രമാണ് സാമൂഹികമാധ്യമങ്ങളിലൂടെ പുറത്തുവന്നത്.
അഭ്യൂഹങ്ങളെ കുറിച്ച് കത്രീനയോ വിക്കി കൗശലോ ഇതുവരെ പ്രതികരിച്ചിട്ടില്ല. സന്തോഷവാര്‍ത്ത ഉടന്‍ തന്നെ ഇരുവരും ഔദ്യോഗികമായി പുറത്തുവിടും എന്ന റിപ്പോര്‍ട്ടുകളും ഉണ്ട്. അതേസമയം താരങ്ങളുടെ ആരാധകര്‍ ഇതിനകം ആഘോഷം തുടങ്ങിക്കഴിഞ്ഞു. 'വിക്കറ്റ്' എന്നറിയപ്പെടുന്ന വിക്കി-കത്രീന ദമ്പതിമാര്‍ക്ക് ഒട്ടേറെ പേര്‍ സോഷ്യല്‍ മീഡിയയില്‍ അഭിനന്ദനം അറിയിച്ച് കമന്റുകളിട്ടു.
വര്‍ഷങ്ങള്‍ നീണ്ട പ്രണയത്തിനൊടുവിലാണ് വിക്കി കൗശലും കത്രീനാ കൈഫും 2021 ഡിസംബറില്‍ വിവാഹിതരായത്. തീര്‍ത്തും സ്വകാര്യമായാണ് വിവാഹ ചടങ്ങുകള്‍ നടത്തിയത്. അടുത്ത ബന്ധുക്കളും സുഹൃത്തുക്കളും മാത്രമാണ് വിവാഹത്തില്‍ പങ്കെടുത്തത്.
Content Highlights: Katrina Kaif Pregnancy Confirmed? Fans Spot Baby Bump In Viral Behind the Scene Photo
Published: 20 Sept 2025, 12:18 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented