അമ്മയാകാന്‍ പോകുന്ന സന്തോഷ വാര്‍ത്ത പങ്കുവെച്ച് നടിയും മോഡലുമായ സ്‌നേഹ ബാബു. ഇന്‍സ്റ്റഗ്രാമില്‍ പങ്കുവെച്ച രസകരമായ വീഡിയോയിലൂടെയാണ് താരം ഗര്‍ഭിണിയാണെന്ന വാര്‍ത്ത അറിയിച്ചത്. 'ആശംസകള്‍ മാത്രം പോരാ' എന്ന ക്യാപ്ഷനോടെയാണ് സ്‌നേഹ വീഡിയോ പോസ്റ്റ് ചെയ്തത്.
'എല്ലാവരോടും പറയണം, എല്ലാവരും അറിയണം, അതാണ് അതിന്റെയൊരു മര്യാദ/ എന്ന ഡയലോഗ് ഉപയോഗിച്ചാണ് സ്‌നേഹ വീഡിയോ തയ്യാറാക്കിയിരിക്കുന്നത്. ഈ വീഡിയോക്ക് താഴെ സെലിബ്രിറ്റികള്‍ ഉള്‍പ്പെടെ നിരവധി പേര്‍ കമന്റ് ചെയ്തിട്ടുണ്ട്. 'എടാ മോളേ' എന്നായിരുന്നു സാനിയ ഇയ്യപ്പന്റെ കമന്റ്. ആര്‍ഷ ബൈജു, ഫെമിന ജോര്‍ജ്, അയ്മ റോസ്മി എന്നിവരും ആശംസകള്‍ അറിയിച്ചിട്ടുണ്ട്.
കരിക്കിന്റെ വെബ് സീരീസിലൂടെയാണ് സ്‌നേഹ ശ്രദ്ധിക്കപ്പെട്ടത്. കരിക്ക് ടീമിന്റെ സാമര്‍ത്ഥ്യശാസ്ത്രം എന്ന സീരീസിന്റെ ഛായാഗ്രാഹകനായ അഖില്‍ സേവ്യറാണ് സ്‌നേഹയുടെ ഭര്‍ത്താവ്. ഈ സീരീസില്‍ സ്‌നേഹയും അഭിനയിച്ചിരുന്നു. ഇതിന്റെ ഷൂട്ടിങ് സെറ്റില്‍ നിന്ന് തുടങ്ങിയ പ്രണയം വിവാഹത്തിലെത്തുകയായിരുന്നു. ജനുവരി ആദ്യമായിരുന്നു സ്‌നേഹയുടേയും അഖിലിന്റേയും വിവാഹം.
സോഷ്യല്‍ മീഡിയയില്‍ സജീവമായ സ്‌നേഹ റീല്‍സുകളിലൂടെയും പ്രേക്ഷകര്‍ക്ക് സുപരിചിതയാണ്. ആദ്യരാത്രി, ഗാനഗന്ധര്‍വന്‍, മിന്നല്‍ മുരളി എന്നീ ചിത്രങ്ങളില്‍ ശ്രദ്ധേമായ വേഷങ്ങളിലും സ്‌നേഹ പ്രത്യക്ഷപ്പെട്ടിട്ടുണ്ട്. ഇന്റീരിയര്‍ ഡിസൈനിങ് പഠിച്ചുകൊണ്ടിരുന്ന സ്‌നേഹ ടിക്ടോക്കില്‍ സജീവമായിരുന്നു. അതുവഴിയാണ് 'കരിക്ക്' ചാനലില്‍ അവസരം ലഭിക്കുന്നത്.
Content Highlights: karikku actor sneha babu reveals pregnancy
Published: 11 Jul 2024, 02:50 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented