ഇരട്ടകളായി ജനിക്കുന്നവര്‍ രൂപത്തില്‍ മാത്രമല്ല, സ്വഭാവത്തിലും സാമ്യത പുലര്‍ത്തുന്നവരാകും. ഇരുവരും തമ്മിലുള്ള ആത്മബന്ധവും ആഴത്തിലുള്ളതാകും. ഒരിക്കലും പിരിയാന്‍ പോലും പറ്റാത്ത വിധത്തില്‍ ഈ ബന്ധം വളരുകയും ചെയ്യും.
അത്തരത്തിലുള്ള ഇരട്ട സഹോദരിമാരാണ് ലിവര്‍പൂളില്‍ നിന്നുള്ള ലിന്‍ഡ്‌സേയും ലൂയിസ് സ്‌കോട്ടും. 18 വയസ്സുവരെ ഇരുവരും ഒരുമിച്ചായിരുന്നു താമസം. ഇതിനിടയില്‍ 2017-ല്‍ ലൂയിസ് ലിവര്‍പൂള്‍ സര്‍വകലാശാലയില്‍ ഇംഗ്ലീഷ് പഠിക്കാന്‍ ചേര്‍ന്നപ്പോള്‍ ലിന്‍ഡ്‌സെയും കൂടെപ്പോയി. എന്നാല്‍ 2018-ല്‍ ഇരുവര്‍ക്കും ആദ്യമായി വേര്‍പിരിയേണ്ടി വന്നു. തുടര്‍ പഠനത്തിനായി ലൂയിസ് കാനഡയിലേക്ക് പോയപ്പോഴായിരുന്നു ഇത്.
എന്നാല്‍ ലൂയിസ് തിരിച്ചെത്തിയതോടെ വീണ്ടും ഒന്നിച്ചു. ഇപ്പോള്‍ ലിവര്‍പൂളില്‍ ഒരുമിച്ചാണ് താമസം. ഇരുവരും ലൈഫ്‌സ്റ്റൈല്‍ മേഖലയില്‍ ജോലി ചെയ്യുന്നു. പിരിയാന്‍ ബുദ്ധിമുട്ടുള്ളതിനാല്‍ ലെസ്ബിയന്‍ പങ്കാളികളേയാണ് രണ്ടുപേരും കണ്ടെത്തിയത്. അഭിനേത്രിയായ റോസിയാണ് ലിന്‍ഡ്‌സേയുടെ കാമുകി. ലൂയിസിന്റെ കാമുകി ജെനുവെല്ലെ സംഗീതരംഗത്താണ് പ്രവര്‍ത്തിക്കുന്നത്. നാല് പേരും ഒരു അപാര്‍ട്‌മെന്റിലാണ് ഇപ്പോള്‍ താമസം.
ഇരട്ടകളായിരിക്കുക രസകരമാണെന്നും തങ്ങള്‍ക്ക് മറ്റൊരു തലച്ചോര്‍ കൂടിയുണ്ടെന്ന് തോന്നുമെന്നും സഹോദരിമാര്‍ പറയുന്നു. ഇരുവരും 99 ശതമാനം സാമ്യതയുണ്ട്. കുട്ടിക്കാലം മുതല്‍ ഒരേ മുറിയില്‍ ഉറങ്ങുന്ന രണ്ടുപേരും ഒരുപോലെയുള്ള വസ്ത്രങ്ങളാണ് ധരിക്കുന്നതും.
Content Highlights: identical twin sisters have a bond like no other
Published: 24 Apr 2023, 03:51 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented