തേനീച്ചക്കൂടുകളിൽ തേനീച്ചകൾ തങ്ങളുടെ റാണിയെ വളർത്താനും പരിപാലിക്കാനും വേണ്ടി നിർമ്മിക്കുന്ന സവിശേഷമായ ഒരു പോഷകാഹാരമാണ് റോയൽ ജെല്ലി.

To advertise here,

പണിക്കാരായ തേനീച്ചകളുടെ തലയിലുള്ള ചില ഗ്രന്ഥികളിൽ നിന്നാണ് ഈ പാൽ പോലുള്ള ദ്രാവകം ഉത്പാദിപ്പിക്കപ്പെടുന്നത്.

മുട്ടയിൽ നിന്ന് വിരിഞ്ഞിറങ്ങുന്ന എല്ലാ ലാർവകൾക്കും ആദ്യത്തെ 2-3 ദിവസം റോയൽ ജെല്ലി നൽകും. എന്നാൽ, ഒരു സാധാരണ ലാർവയെ 'റാണി തേനീച്ച'യായി വികസിപ്പിച്ചെടുക്കാൻ ആ ലാർവയ്ക്ക് ജീവിതകാലം മുഴുവൻ റോയൽ ജെല്ലി മാത്രം ഭക്ഷണമായി നൽകുന്നു.

ഇത് കഴിക്കുന്നത് കൊണ്ടാണ് സാധാരണ തേനീച്ചകളെക്കാൾ വലിപ്പവും, കൂടുതൽ ആയുസ്സും, പ്രതിദിനം ആയിരക്കണക്കിന് മുട്ടകൾ ഇടാനുള്ള ശേഷിയും റാണി തേനീച്ചയ്ക്ക് ലഭിക്കുന്നത്.

വെള്ളം, പ്രോട്ടീൻ, പഞ്ചസാര, കൊഴുപ്പ്, B-complex വൈറ്റമിനുകൾ, മിനറലുകൾ എന്നിവ ഇതിൽ അടങ്ങിയിരിക്കുന്നു.

മനുഷ്യർ ഇത് പ്രതിരോധശേഷി കൂട്ടാനും, ചർമ്മ സംരക്ഷണത്തിനും, ഊർജ്ജസ്വലതയ്ക്കുമായി ഉപയോഗിക്കാറുണ്ട്. എന്നാൽ ഇതിനു പിന്നിൽ ഒരു ശാസ്ത്രീയതയും ഇല്ലെന്നാണ് ചില ഡോക്ടർമാരുടെ അഭിപ്രായം.