കുമ്പള : ഏറെ വിവാദങ്ങൾക്കും ജനകീയ സമരങ്ങൾക്കും സാക്ഷ്യം വഹിച്ച താത്ലികാക ടോൾപ്ലാസ പൊളിച്ചുനീക്കാൻ തുടങ്ങി. ദേശീയപാത 66-ൽ ആരിക്കാടിയിൽ ദേശീയപാത അധികൃതർ സ്ഥാപിച്ച ടോൾപ്ലാസയാണ് പൊളിച്ചുമാറ്റാൻ തുടങ്ങിയത്.
ആരിക്കാടി ടോൾപ്ലാസയുടെ പ്രവർത്തനം നിർത്തിയിരുന്നുവെങ്കിലും വാഹന ഡ്രൈവർമാർക്കും യാത്രക്കാർക്കും സംശയമുണ്ടാക്കുന്ന വിധം ടോൾ പ്ലാസയുടെ എല്ലാ സാമഗ്രികളും ബോർഡുകളും അതേപടി നിലനിർത്തിയിരുന്നു. വഴിയാത്രക്കാർക്കും ഇത് തടസ്സമായി മാറി. പ്രവർത്തനം അവസാനിപ്പിച്ച് മാസങ്ങൾ കഴിഞ്ഞശേഷമാണ് പൊളിച്ചുനീക്കൽ നടപടികൾ തുടങ്ങിയത്.
തലപ്പാടിയിൽ ടോൾ പ്ലാസയുണ്ടായിരിക്കെ 60 കിലോമീറ്റർ പരിധിയിൽ മറ്റൊരു ടോൾപ്ലാസ സ്ഥാപിച്ചതായിരുന്നു എതിർപ്പിന് കാരണം. എ.കെ.എം.അഷ്റഫ് എം.എൽ.എ. ഉൾെപ്പടെയുള്ള ജനപ്രതിനിധികൾ സമരത്തിന് നേതൃത്വം നൽകിയതോടൊപ്പം നിയമപോരാട്ടവും നടന്നു.
ഒടുവിൽ കേന്ദ്ര ഉപരിതല ഗതാഗത മന്ത്രാലയം പ്ലാസയുടെ പ്രവർത്തനം നിർത്തിവെക്കാൻ ഉത്തരവിറക്കി. പിന്നീട് ഉത്തരവ് സംബന്ധിച്ച അവകാശവാദങ്ങൾ ജനപ്രതിനിധികളിൽനിന്നും രാഷ്ട്രീയ പാർട്ടികളിൽനിന്നുമുണ്ടായതും ജനങ്ങൾ കാണാനിടയായി. ആരിക്കാടി ടോൾ പ്ലാസ പൊളിച്ചുനീക്കുന്നതോടെ അതുമായി ബന്ധപ്പെട്ട് നടന്ന സമരങ്ങളും സംഭവങ്ങളും ഇനി ഓർമ്മയാകും.
Published: 22 Nov 2026, 04:14 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented