80 വർഷത്തിലേറെയായി പ്രവർത്തിക്കുന്ന പുതുക്കൈ തപാൽ ഓഫീസ് ഇല്ലാതാകുന്നതോടെ നാട്ടുകാർക്ക് തപാൽ സേവനങ്ങൾക്കായി നീലേശ്വരം തപാൽ ഓഫീസിനെ ആശ്രയിക്കേണ്ടി വരും
നീലേശ്വരം : പുതുക്കൈ തപാൽ ഓഫീസ് അടച്ചുപൂട്ടാൻ നിർദേശം.
നഗരസഭാപരിധിയിൽ വരുന്ന അർബൻ ബ്രാഞ്ച് തപാൽ ഓഫീസുകൾ അടച്ചു പൂട്ടുകയെന്ന തപാൽവകുപ്പിന്റെ പുതിയ നയത്തിന്റെ ഭാഗമായാണ് ഈ തീരുമാനം. പടന്നക്കാട്, കാഞ്ഞങ്ങാട് സൗത്ത് ബ്രാഞ്ച് തപാൽ ഒാഫീസുകളും ഈ പട്ടികയിലുണ്ട്. മൂന്ന് തപാൽ ഓഫീസുകളും കാഞ്ഞങ്ങാട് നഗരസഭാ പരിധിയിലാണ്.
80 വർഷത്തിലേറെയായി പ്രവർത്തിക്കുന്ന പുതുക്കൈ തപാൽ ഓഫീസ് ഇല്ലാതാകുന്നതോടെ നാട്ടുകാർക്ക് തപാൽ സേവനങ്ങൾക്കായി നീലേശ്വരം തപാൽ ഓഫീസിനെ ആശ്രയിക്കേണ്ടി വരും. 700-ലധികം വീട്ടുകാർ ഈ ഓഫീസ് പരിധിയിലുണ്ട്. തിരിച്ചറിയൽ രേഖകളിലടക്കം മേൽവിലാസത്തിൽ മാറ്റം വരുന്നത് വലിയ ബുദ്ധിമുട്ടുണ്ടാക്കുമെന്ന് നാട്ടുകാർക്ക് ആശങ്കയുണ്ട്.
ഓഫീസ് നഷ്ടത്തിലാണെങ്കിൽ അത് പരിഹരിക്കാൻ നാട്ടുകാർ തയ്യാറാണ്.
ഈ സാഹചര്യത്തിൽ പുതുക്കൈ തപാൽ ഓഫീസ് പൂട്ടാനുള്ള നീക്കത്തിനെതിരെ പുതുക്കൈ നിവാസികൾ പ്രക്ഷോഭത്തിന് ഒരുങ്ങുന്നുണ്ട്. പ്രദേശത്തെ എല്ലാ രാഷ്ട്രീയ കക്ഷികളുടെയും റെസിഡെന്റ്സ് അസോസിയേഷന്റെയും നേതൃത്വത്തിൽ തിങ്കളാഴ്ച വൈകീട്ട് അഞ്ചിന് പുതുക്കൈ ഗവ. യു.പി. സ്കൂളിൽ തപാൽ ഓഫീസ് സംരക്ഷിക്കാൻ കർമസമിതി ഉണ്ടാക്കാൻ തീരുമാനിച്ചിട്ടുണ്ട്.
Published: 22 Nov 2026, 04:14 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented