​കൂത്തുപറമ്പ് : അഖിലേന്ത്യാ സഹകരണ വാരാഘോഷത്തിന്റെ കൂത്തുപറമ്പ് സർക്കിൾതല ഉദ്ഘാടനം കൂത്തുപറമ്പ് റൂറൽ ബാങ്ക് ഓഡിറ്റോറിയത്തിൽ വി.കെ. സനോജ് എം.എൽ.എ. ഉദ്ഘാടനംചെയ്തു. കൂത്തുപറമ്പ് സർക്കിൾ സഹകരണ യൂണിയൻ ചെയർമാൻ സി.വി. ശശീന്ദ്രൻ അധ്യക്ഷനായി.

To advertise here,

റെയ്ഡ്‌കോ ചെയർമാൻ എം. സുരേന്ദ്രൻ, എ.കെ.ജി. സഹകരണ ആശുപത്രി പ്രസിഡന്റ് പി. പുരുഷോത്തമൻ, സഹകരണ സംഘം അസി. രജിസ്ട്രാർ എ. സന്തോഷ് കുമാർ, സഹകരണ ഓഡിറ്റ് അസി. ഡയറക്ടർ കെ. സഹിന, കെ. ധനഞ്ജയൻ, കെ. ശ്രീധരൻ, സിജി ജോർജ്, സി. വിജയൻ, കെ.കെ. പദ്മനാഭൻ, കെ.വി. ഗംഗാധരൻ, ടി. മോഹനൻ, സി.പി. ബിന്ദു തുടങ്ങിയവർ സംസാരിച്ചു. സഹകരണ പ്രസ്ഥാനവും ജനങ്ങളും മൾട്ടി സ്റ്റേറ്റ് സഹകരണ സംഘങ്ങളുടെ ഇടപെടൽ സെമിനാർ ബോർഡ് ഓഫ് മാനേജ്‌മെന്റ് കേരള ബാങ്ക് അംഗം വി.പി. പിള്ള ഉദ്ഘാടനംചെയ്തു.

സി.വി. ശശീന്ദ്രൻ അധ്യക്ഷനായി. കെ. ഭാസ്കരൻ, കെ. സജീവൻ, കെ.സി. അജിത്ത് കുമാർ, എം. രതീഷ്, അനൂപ് ചന്ദ്രൻ, കെ.പി. ദയാനന്ദൻ, എം. രതീഷ്, എൻ. ധനഞ്ജയൻ, അനൂപ് ചന്ദ്രൻ, ഹേമചന്ദ്രൻ, വി.എം. ജയകൃഷ്ണൻ എന്നിവർ സംസാരിച്ചു. വിജയികൾക്കുള്ള സമ്മാനദാനം എം. സുരേന്ദ്രൻ, പി. പുരുഷോത്തമൻ എന്നിവർ നിർവഹിച്ചു. വിവിധകലാപരിപാടികളും നടന്നു.