നമ്മളില്‍ പലര്‍ക്കും പാല്‍ കുടിയ്ക്കുമ്പോള്‍ ബുദ്ധിമുട്ട് അനുഭവപ്പെടാറുണ്ട്. പാല്‍ കുടിച്ചശേഷം വയറിളക്കം, ഓക്കാനം, വയറുവേദന എന്നീ ആരോഗ്യപ്രശ്‌നങ്ങള്‍ ഇവര്‍ക്ക് ഉണ്ടാകാറുണ്ട്.
പാലിലും പാലുത്പ്പന്നങ്ങളിലും അടങ്ങിയിരിക്കുന്ന ലാക്ടോസ് ശരീരത്തിന് ഫലപ്രദമായി ദഹിപ്പിക്കാന്‍ കഴിയാത്ത ലാക്ടോസ് ഇന്‍ടോളറന്‍സ് അഥവാ ലാക്ടോസ് അസഹിഷ്ണുത ഈ അവസ്ഥയാണ് ഇതിന് കാരണം. എന്നാല്‍ ഈ പ്രശ്‌നം ഉണ്ടെങ്കില്‍ പാലോ പാലുത്പന്നങ്ങളോ പൂര്‍ണമായും ഒഴിവാക്കേണ്ട കാര്യമില്ല. പകരം പാല്‍ ഉപയോഗിക്കേണ്ട രീതിയില്‍ കുറച്ച് മാറ്റം വരുത്തിയാല്‍ മാത്രം മതി. ലാക്ടോസ് ഇന്‍ടോളറന്‍സ് ഉള്ളവര്‍ കാത്സ്യവും വിറ്റാമിന്‍ ഡിയും ലഭിക്കാന്‍ ഓറഞ്ചും ബ്രൊക്കോളിയും ഇലക്കറികളും പയറുവര്‍ഗങ്ങളും നട്‌സുമൊക്കെ കഴിക്കുന്നത് കൂടുതല്‍ നല്ലതാണ്. ലാക്ടോസ് ഇന്‍ടോളറന്‍സ് ഉള്ളവര്‍ക്ക് പാലിന് പകരം കുടിക്കാവുന്ന ചില പാനീയങ്ങള്‍ ഏതൊക്കെയെന്ന് അറിഞ്ഞിരിക്കാം.
പാലിന് പകരം ഉപയോഗിക്കാവുന്ന ഒന്നാണ് ബദാം പാല്‍. പൊടിച്ച ബദാം, വെള്ളം എന്നിവ ചേര്‍ത്ത് തയ്യാറാക്കുന്ന ബദാം പാല്‍ ആരോഗ്യത്തിന് വളരെ നല്ലതാണ്. ഇതില്‍ കാത്സ്യം, വിറ്റാമിന്‍ ഡി എന്നിവയും വിറ്റാമിനുകളും ധാതുക്കളും അടങ്ങിയിട്ടുണ്ട്. കൂടാതെ ബദാം പാലില്‍ കലോറിയും കുറവാണ്. അതിനാല്‍ ഇവ ഡയറ്റില്‍ ഉള്‍പ്പെടുത്തുന്നത് ശരീരഭാരം കുറയ്ക്കാനും നല്ലതാണ്.
Also Read
സോയ പാലും പാലിന് പകരം കുടിയ്ക്കാം. ഇതില്‍ കാത്സ്യം, ഇരുമ്പ്, പൊട്ടാസ്യം, പ്രോട്ടീന്‍ തുടങ്ങിയവ അടങ്ങിയിട്ടുണ്ട്. അതിനാല്‍ ഇവയും ഡയറ്റില്‍ ഉള്‍പ്പെടുത്താം. കൊളസ്‌ട്രോള്‍ കുറയ്ക്കാനും ഹൃദയാരോഗ്യം സംരക്ഷിക്കാനും ഇത് ഗുണകരമാണ്.
ഓട്‌സ് പാലിനും നിരവധി ഗുണങ്ങളുണ്ട്. കാത്സ്യം, വിറ്റാമിന്‍ ഡി, വിറ്റാമിന്‍ ബി 12, ധാതുക്കള്‍ എന്നിവ ഇതില്‍ അടങ്ങിയിട്ടുണ്ട്. ലാക്ടോസ് ഇന്‍ടോളറന്‍സ് ഉള്ളവര്‍ക്ക് പാലിന് പകരം ഇവ കുടിക്കുന്നത് ശീലമാക്കാം. ഉയര്‍ന്ന അളവില്‍, നാരുകള്‍, വിറ്റാമിനുകള്‍, ധാതുക്കള്‍ എന്നിവയാല്‍ സമ്പന്നമാണ് തേങ്ങാപ്പാല്‍. ഇവയും ഭക്ഷണത്തില്‍ ഉള്‍പ്പെടുത്താം.
ലാക്ടോസ് ഇന്‍ടോളറന്‍സ് ഉള്ളവര്‍ക്ക് കുടിക്കാവുന്ന ഒന്നാണ് കശുവണ്ടി പാല്‍ (കാഷ്യൂ മില്‍ക്ക്) ഇതില്‍ കലോറി വളരെ കുറവാണ്. കൂടാതെ പ്രോട്ടീനും മറ്റ് വിറ്റാമിനുകളും ധാതുക്കളുമൊക്കെ അടങ്ങിയിട്ടുമുണ്ട്. കൊളസ്‌ട്രോള്‍ കുറയ്ക്കാനും ഹൃദയാരോഗ്യം മെച്ചപ്പെടുത്താനും ഇവ നല്ലതാണ്.
(ശ്രദ്ധിക്കുക: ആരോഗ്യ വിദഗ്ധന്റെയോ ന്യൂട്രീഷനിസ്റ്റിന്റെയോ ഉപദേശം തേടിയ ശേഷം മാത്രം ഭക്ഷണക്രമത്തില്‍ മാറ്റം വരുത്തുക.)
Content Highlights: Lactose Intolerance? Top 5 Non-Dairy Substitutes For Milk You Must Try
Published: 20 Sept 2024, 10:59 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented