പച്ചക്കറികള്‍ വാങ്ങി ഫ്രിഡ്ജില്‍ കൂട്ടി വെയ്ക്കുന്നത് നമ്മളില്‍ പലരുടേയും ശീലമാണ്. പിന്നെ ആവശ്യത്തിനെടുക്കുമ്പോള്‍ അതൊക്കെ വാടിക്കഴിഞ്ഞിട്ടുണ്ടാകും. പലപ്പോഴും മോശമായതെന്ന് കരുതി ഈ പച്ചക്കറികള്‍ പലപ്പോഴും ചവറ്റുകുട്ടയിലും തള്ളും.
അതുപോലെ തന്നെയാണ് ക്യാരറ്റിന്റെ കാര്യം. വാങ്ങിക്കൊണ്ടുവന്ന് കുറച്ച് ദിവസം ഫ്രിഡ്ജില്‍ വയ്ക്കുകയോ അല്ലെങ്കില്‍ പുറത്തുവയ്ക്കുകയോ ചെയ്താല്‍ ഉടന്‍ തന്നെ ക്യാരറ്റ് വാടിപ്പോകും. ക്യാരറ്റ് ഫ്രഷ് ആക്കി മാറ്റാന്‍ ഈ കാര്യം പരീക്ഷിക്കാം.
Also Read
ഇങ്ങനെ ചെയ്യാം
ആദ്യം വാടിയ ക്യാരറ്റ് നല്ലപോലെ കഴുകി വൃത്തിയാക്കിശേഷം തണുത്തവെള്ളത്തില്‍ ഇട്ടുവെയ്ക്കുക. ക്യാരറ്റ് പൂര്‍ണമായും മുങ്ങുന്ന രീതിയില്‍ വേണം വെള്ളം ഒഴിച്ചുകൊടുക്കാന്‍. ശേഷം ഈ വെള്ളത്തിലേയ്ക്ക് നാരങ്ങനീരൊഴിച്ച് കൊടുക്കണം. നാരങ്ങനീരും വെള്ളവും നല്ലരീതിയില്‍ ഇളക്കിയോജിപ്പിക്കുന്നത് നല്ലതായിരിക്കും.
ശേഷം ഈ വെള്ളവും ക്യാരറ്റും കൂടി അരമണിക്കൂര്‍ അടച്ചു വയ്ക്കണം. അത്രയും നേരം വാടിയിരുന്ന ക്യാരറ്റ് വളരെ ഫ്രഷായിത്തീരും. എത്ര വാടിയ ക്യാരറ്റിനെയും ഇത്തരത്തില്‍ എളുപ്പത്തില്‍ ഫ്രഷാക്കിയെടുക്കാം.
Content Highlights: how to keep carrots fresh longer
Published: 22 Jun 2024, 11:23 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented