കഠിനംകുളം : ആംബർഗ്രീസിന് (തിമിംഗിലത്തിന്റെ ഛർദി) സമാനമായ വസ്തു കടലിൽ ഒഴുകിനടക്കുന്ന നിലയിൽ മത്സ്യത്തൊഴിലാളികൾ കണ്ടെത്തി. വിപണിയിൽ ആംബർഗ്രീസിന് കോടികളാണ് വില. ചൊവ്വാഴ്ച രാവിലെയോടെയാണ് മര്യനാട് കടലിന്റെ ഭാഗത്ത് ദ്രാവകംപോലുള്ള വസ്തു മത്സ്യത്തൊഴിലാളികൾ കണ്ടത്.
തൊഴിലാളികൾ ചേർന്ന് കരയ്ക്ക് എത്തിക്കുകയും കഠിനംകുളം പോലീസിൽ വിവരം അറിയിക്കുകയും ചെയ്തു.
കോസ്റ്റൽ പോലീസും പാലോട്ടു നിന്നുള്ള വനം വകുപ്പ് ഉദ്യോഗസ്ഥരുമെത്തി പരിശോധന നടത്തി. 16.7 കിലോ തൂക്കമുണ്ട്. ആംബർഗ്രീസിന് വിപണിയിൽ ഒരു കിലോയ്ക്ക് 1.8 കോടിയോളം രൂപ വിലയുണ്ട്.
സ്‌പേം തിമിംഗിലങ്ങളുടെ ഉദരത്തിൽ സൃഷ്ടിക്കപ്പെടുന്ന തവിട്ടുനിറത്തോടുകൂടിയ മെഴുകുപോലുള്ള വസ്തുവാണിത്. പ്രധാനമായും സുഗന്ധദ്രവ്യങ്ങൾ നിർമിക്കാനാണ് ആംബർഗ്രീസ് ഉപയോഗിക്കുക.
കണ്ടത്തിയത് തിമിംഗിലത്തിന്റെ ഛർദി തന്നെയാണോ എന്നറിയാൻ ലാബിൽ പരിശോധനയ്ക്ക് അയക്കും. എന്നിട്ട് മാത്രമേ മൂല്യം കണക്കാക്കാൻ കഴിയൂവെന്ന് ഫോറസ്റ്റ്‌ ഉദ്യോഗസ്ഥർ പറഞ്ഞു. റെയ്ഞ്ച് ഓഫീസർ സുധീഷ് കുമാർ, ഉദ്യോഗസ്ഥരായ രാകേഷ്, വിനീത എന്നിവർ നേതൃത്വം നൽകി.
Content Highlights: ambergris found in coastal area forest department to make sure
Published: 21 Nov 2024, 07:53 am IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented