തിരുവനന്തപുരം: മെഡിക്കൽ വിദ്യാഭ്യാസ ഡയറക്ടറുടെ കീഴിൽ പ്രവർത്തിക്കുന്ന ചൈൽഡ് ഡിവലപ്‌മെന്റ് സെന്ററിൽ നടത്തിവരുന്ന രണ്ടുവർഷം ദൈർഘ്യമുള്ള പോസ്റ്റ് ഗ്രാജ്വേറ്റ് ഡിപ്ലോമ ഇൻ ക്ലിനിക്കൽ ചൈൽഡ് ഡിവലപ്‌മെന്റിലേക്ക് അപേക്ഷിക്കാം.

To advertise here,

യോഗ്യത: 50 ശതമാനം മാർക്കോടെ സയൻസ് വിഷയത്തിൽ ബിഎസ്‌സി ബിരുദം അല്ലെങ്കിൽ ബിഎസ്‌സി/ബിഎ സൈക്കോളജിയിലോ ബിഎസ്‌സി ഹോം സയൻസിലോ ബിരുദം നേടിയ പെൺകുട്ടികൾക്ക് അപേക്ഷിക്കാം. എസ്ഇബിസി വിഭാഗത്തിൽപ്പെടുന്ന അപേക്ഷകർക്ക് 45 ശതമാനം മാർക്ക് മതിയാകും. എസ്‌സി/എസ്ടി വിഭാഗക്കാർക്ക് യോഗ്യതാപരീക്ഷ പാസായാൽ മതിയാകും. 

പ്രോസ്പെക്ടസ് www.lbscentre.kerala.gov.in -ൽ പ്രസിദ്ധീകരിച്ചിട്ടുണ്ട്. ഏപ്രിൽ 24 വരെ ഓൺലൈനിലൂടെയോ അല്ലെങ്കിൽ കേരളത്തിലെ എല്ലാ ഫെഡറൽ ബാങ്കിന്റെ ശാഖകൾവഴി വെബ്‌സൈറ്റിലൂടെ ലഭിക്കുന്ന ചെലാൻ ഫോം ഉപയോഗിച്ചോ അപേക്ഷാഫീസ് അടയ്ക്കാം. അപേക്ഷാഫീസ് പൊതുവിഭാഗത്തിന് 800 രൂപയും എസ്‌സി/എസ്ടി വിഭാഗത്തിന് 400 രൂപയുമാണ്. തുടർന്ന് അപേക്ഷാനമ്പർ, ചെലാൻ നമ്പർ ഇവ ഉപയോഗിച്ച് ഓൺലൈനായി മാർച്ച് 24 മുതൽ ഏപ്രിൽ 24 വരെ അപേക്ഷിക്കാം. വിവരങ്ങൾക്ക്: 0471 2560363, 64.