കല്പിതസർവകലാശാലയായ ന്യൂഡൽഹി ഇൻസ്റ്റിറ്റ്യൂട്ട് ഓഫ് ലിവർ ആൻഡ് ബൈലിയറി സയൻസസ് (ഐഎൽബിഎസ്) നടത്തുന്ന അലൈഡ് സയൻസസ് കോഴ്സുകളിലെ പ്രവേശനത്തിന് അപേക്ഷിക്കാം. കോഴ്സുകൾ, പ്രവേശനയോഗ്യത എന്നിവ ക്രമത്തിൽ:

To advertise here,

• സർട്ടിഫിക്കറ്റ് കോഴ്സ് ഇൻ ലിവർ ട്രാൻസ്‌പ്ലാന്റ് അനസ്‌തീസ്യാ ടെക്നോളജി (ഒരുവർഷം ദൈർഘ്യം): അനസ്‌തീസ്യാ ടെക്നോളജി ബിഎസ്‌സി അല്ലെങ്കിൽ ഡിപ്ലോമ. കോഴ്സ് ഫീ 33,000 രൂപ. പ്രവേശനംലഭിക്കുന്നവർക്ക് ആദ്യ ആറുമാസം 10,000 രൂപ നിരക്കിലും ബാക്കി ആറുമാസം 15,000 രൂപ നിരക്കിലും പ്രതിമാസ സ്റ്റൈപ്പെൻഡ് ലഭിക്കും

• ലബോറട്ടറി ആനിമൽ ടെക്നീഷ്യൻ ട്രെയിനിങ് ആൻഡ് സർട്ടിഫിക്കേഷൻ (മൂന്നുമാസം): ലൈഫ് സയൻസ്/ബയോളജി ബിരുദധാരികൾക്ക് അപേക്ഷിക്കാം. കോഴ്സ് ഫീ 12,000 രൂപ.

വിശദമായ അറിയിപ്പ്, പാഠ്യപദ്ധതി തുടങ്ങിയവ www.ilbs.in ൽ ലഭിക്കും. സ്ഥാപനത്തിൽവെച്ച് സെപ്‌റ്റംബർ 13-ന് രാവിലെ 9.30 മുൽ 11 വരെ നടത്തുന്ന പ്രവേശനപരീക്ഷ, ഉച്ചയ്ക്ക് 2.30 മുതൽ നടത്തുന്ന ഡിപാർട്ട്മൻറൽ അസസ്‌മെൻറ്/ഇൻറർവ്യൂ എന്നിവ അടിസ്ഥാനമാക്കിയാണ് തിരഞ്ഞെടുപ്പ്. www.ilbs.in വഴി ഓഗസ്റ്റ് 31 വരെ അപേക്ഷിക്കാം.