ന്യൂഡൽഹി: 2027-ലെ ഐഐടി പ്രവേശന പരീക്ഷയായ ജെഇഇ-അഡ്വാൻസ്ഡ് മെയ് 23-ന് നടക്കും. പരീക്ഷയുടെ ചുമതലയുള്ള ഇന്ത്യൻ ഇൻസ്റ്റിറ്റ്യൂട്ട് ഓഫ് ടെക്നോളജി (ഐഐടി) ഡൽഹിയാണ് വെള്ളിയാഴ്ച (നവംബർ 13) ഇതുസംബന്ധിച്ച ഔദ്യോഗിക അറിയിപ്പ് പുറത്തുവിട്ടത്.

To advertise here,

ജെഇഇ-മെയിൻ പരീക്ഷയിൽ ഏറ്റവും ഉയർന്ന മാർക്ക് നേടുന്ന 2.5 ലക്ഷം വിദ്യാർഥികൾക്കാണ് ജെഇഇ-അഡ്വാൻസ്ഡ് എഴുതാൻ യോഗ്യത ലഭിക്കുക. പരീക്ഷാർഥികൾക്ക് 10-12 അക്ക ഡിസ്‌പ്ലേയുള്ള അടിസ്ഥാന (നോൺ-സയന്റിഫിക്) ഓൺ-സ്ക്രീൻ കാൽക്കുലേറ്റർ ഉപയോഗിക്കാനുള്ള സൗകര്യം ലഭ്യമാകുമെന്ന് ഔദ്യോഗിക വിജ്ഞാപനത്തിൽ പറയുന്നു.

തുടർച്ചയായ രണ്ട് വർഷങ്ങളിൽ പരമാവധി രണ്ട് തവണ മാത്രമാണ് വിദ്യാർഥികൾക്ക് പരീക്ഷ എഴുതാൻ സാധിക്കുക. പ്ലസ് ടു പാസാകുന്ന വർഷം ആദ്യ അവസരവും, തൊട്ടടുത്ത വർഷം രണ്ടാമത്തെ അവസരവും ഉപയോഗിക്കാവുന്നതാണ്.