ന്യൂഡൽഹി: ആർട്ടിഫിഷ്യൽ ഇന്റലിജൻസ്, മെഷീൻ ലേണിങ്, ഡാറ്റാ സയൻസ് തുടങ്ങിയ മേഖലകളിൽ ഗവേഷണവും പഠനവും മെച്ചപ്പെടുത്തുന്നതിനായി ഐഐടി ഡൽഹിയും ആഗോള ടെക് ഭീമനായ വാൾമാർട്ട് ഗ്ലോബൽ ടെക്കും ധാരണയിലായി. നാല് വർഷം കാലാവധിയുള്ള പങ്കാളിത്തത്തിന് ഏകദേശം ഒമ്പത് കോടി രൂപയുടെ സാമ്പത്തിക മൂല്യമുണ്ട്.

To advertise here,

ഐഐടി ഡൽഹിയിലെ പ്രമുഖ ഗവേഷണ വിഭാഗമായ 'യാർഡി സ്കൂൾ ഓഫ് ആർട്ടിഫിഷ്യൽ ഇന്റലിജൻസാ'ണ് പദ്ധതിക്ക് നേതൃത്വം നൽകുന്നത്. സാങ്കേതിക വിദ്യയിലെ മുന്നേറ്റത്തിന് പുറമേ, മേഖലയിലെ വിദഗ്ധരായ അധ്യാപകരെയും ഗവേഷകരെയും സജ്ജരാക്കുക എന്നതാണ് പ്രധാന ലക്ഷ്യം.

പ്രധാന പ്രവർത്തനങ്ങൾ

  • ഉന്നത ഗവേഷണ സൗകര്യങ്ങൾ: ആർട്ടിഫിഷ്യൽ ഇന്റലിജൻസിലെ അത്യാധുനിക വിഷയങ്ങളിൽ ഗവേഷണം നടത്തുന്നതിനായുള്ള അടിസ്ഥാന സൗകര്യങ്ങളും ലാബുകളും വികസിപ്പിക്കും.

  • ഫെലോഷിപ്പുകളും സ്കോളർഷിപ്പും: സമർത്ഥരായ വിദ്യാർഥികൾക്ക് പഠനത്തിനും ഗവേഷണത്തിനും പ്രത്യേക ധനസഹായ ഫെലോഷിപ്പുകൾ നൽകും.

  • അധ്യാപക പരിശീലനം: ഐഐടിക്ക് അകത്തും പുറത്തുമുള്ള അധ്യാപകർക്ക് എ.ഐ. സാങ്കേതികവിദ്യയിൽ പരിശീലനം നൽകി പ്രൊഫഷണൽ മികവ് വർധിപ്പിക്കും