നിയമ സര്‍വകലാശാലകളിലേക്കുള്ള പ്രവേശനത്തിനായി നടത്തുന്ന ഈ വര്‍ഷത്തെ ക്ലാറ്റ് (CLAT) പരീക്ഷയുടെ അഡ്മിറ്റ് കാര്‍ഡുകള്‍ പുറത്തിറക്കി. പരീക്ഷയ്ക്ക് രജിസ്റ്റര്‍ ചെയ്ത വിദ്യാര്‍ഥികള്‍ക്ക് ഔദ്യോഗിക വെബ്‌സൈറ്റായ consortiumofnlus.ac.in- ല്‍ നിന്ന് ഡൗണ്‍ലോഡ് ചെയ്യാം.
2025 ഡിസംബര്‍ ഏഴ് വരെയാണ് അഡ്മിറ്റ് കാര്‍ഡ് ഡൗണ്‍ലോഡ് ചെയ്യാന്‍ സാധിക്കുക. ബിരുദ, ബിരുദാനന്തര കോഴ്‌സുകള്‍ക്കായി അപേക്ഷിച്ചവര്‍ അവരുടെ ലോഗിന്‍ വിവരങ്ങള്‍ നല്‍കിയാല്‍ അഡ്മിറ്റ് കാര്‍ഡ് ലഭിക്കും. അഡ്മിറ്റ് കാര്‍ഡ് ഡൗണ്‍ലോഡ് ചെയ്യേണ്ട വിധം:
- ഔദ്യോഗിക വെബ്‌സൈറ്റ് സന്ദര്‍ശിക്കുക
- ക്ലാറ്റ് 2026 അക്കൗണ്ടില്‍ ലോഗിന്‍ ചെയ്യുക
- ഡൗണ്‍ലോഡ് അഡ്മിറ്റ് കാര്‍ഡ് എന്നത് ക്ലിക്ക് ചെയ്യുക.
ഇതുമായി ബന്ധപ്പെട്ടുള്ള സഹായത്തിനായി വിദ്യാര്‍ഥികള്‍ക്ക് clat@consortiumofnlus എന്ന ഇമെയില്‍ വഴിയോ 080-47162020 എന്ന ഫോണ്‍ നമ്പറിലോ ബന്ധപ്പെടാവുന്നതാണ്.
ഇന്ത്യയിലുടനീളമുള്ള ദേശീയ നിയമ സര്‍വകലാശാലകളിലേക്കും മറ്റ് പങ്കാളിത്ത സ്ഥാപനങ്ങളിലേക്കുമുള്ള യുജി, പിജി നിയമ പ്രോഗ്രാമുകളിലേക്കുള്ള പ്രവേശനത്തിനായി ദേശീയതലത്തില്‍ നടത്തുന്ന പരീക്ഷയാണ് ക്ലാറ്റ്. ഈ വര്‍ഷത്തെ പരീക്ഷ 2025 ഡിസംബര്‍ ഏഴിന് ഉച്ചയ്ക്ക് രണ്ട് മുതല്‍ നാല് വരെ ഒറ്റ ഷിഫ്റ്റായി നടത്താനാണ് തീരുമാനിച്ചിരിക്കുന്നത്.
Content Highlights: CLAT 2026 admit cards are out! Download yours from consortiumofnlus.ac.in to appear for the national law university entrance exam.
Published: 22 Nov 2025, 09:14 pm IST
Related Topics
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented