ചങ്ങലകളാൽ തളച്ചിടാത്ത 72-ഓളം ആനകളെ ഒരുമിച്ച് പാർപ്പിച്ച് പരിപാലിക്കുന്ന ഗ്രാമം. അതാണ് 'ഹാത്തിഗാവ്' അഥവാ ആനകളുടെ ഗ്രാമം. രാജസ്ഥാനിലെ ജയ്പ്പൂരിൽ നിന്ന് 30 കിലോമീറ്റർ അകലെ സ്ഥിതി ചെയ്യുന്ന ഗ്രാമത്തിൽ രാജസ്ഥാൻ വനവകുപ്പും ആന ഉടമകളും ചേർന്നാണ് ആനകളെ പരിപാലിക്കുന്നത്. 2007-ൽ അന്നത്തെ രാജസ്ഥാൻ മുഖ്യമന്ത്രി വസുന്ധര രാജെയാണ് ഇത്തരമൊരു ആശയത്തിന് പിന്നിൽ. ആനപാപ്പാൻമാർക്ക് സർക്കാർ നൽകിയ ഭൂമിയിൽ പ്രത്യേക ഷെൽട്ടറുകൾ ഒരുക്കി നൽകുകയായിരുന്നു. ആമേർ കോട്ടയിലെ ആന സഫാരിയിലൂടെയും ടൂറിസത്തിലൂടെയും ലഭിക്കുന്ന വരുമാനമാണ് ആനകളുടെ ക്ഷേമത്തിനും ഇൻഷുറൻസിനുമായി ഉപയോഗിക്കുന്നത്.

To advertise here,