തലശ്ശേരി: പ്രശസ്ത വ്ളോഗർ ഖാലിദ് അൽ അമരി തലശ്ശേരി മാളിയേക്കൽ തറവാട്ടിലെത്തി ദം ബിരിയാണിയുടെ രുചിയറിഞ്ഞു. കേരളത്തിലെത്തിയ അമരി മാളിയേക്കൽ തറവാട്ടുകാരുടെ ക്ഷണപ്രകാരമാണ് തറവാട്ടിലെത്തിയത്.
വെള്ള മുണ്ടും ഷർട്ടും ധരിച്ചാണ് അദ്ദേഹമെത്തിയത്. പാട്ടുപാടി ബൊക്കയും മാലയും നൽകി നഗരസഭ മുൻ ചെയർപേഴ്സൺ ആമിനമാളിയേക്കലിന്റെ നേതൃത്വത്തിൽ കുടുംബാംഗങ്ങൾ അദ്ദേഹത്തെ സ്വീകരിച്ചു.
കുടുംബാംഗങ്ങൾക്കായി ഉണ്ടാക്കിയ ബിരിയാണിക്ക് പുറമെ അമരിക്ക് ചിത്രീകരിക്കാൻ പ്രത്യേകം ബിരിയാണിയുണ്ടാക്കി.ബിരിയാണിയിലെ പാചക ചേരുവകൾ അമരിക്ക് പറഞ്ഞു കൊടുത്തു. പാചകം ചെയ്ത ബിരിയാണി ചെമ്പ് തുറക്കുന്നത് മുതൽ ചിത്രീകരിച്ചു. കുടുംബാംഗങ്ങളോടൊപ്പമൊന്നിച്ച് പാട്ടും പാടി ഭക്ഷണം കഴിച്ചു. ബിരിയാണിയ്ക്കൊപ്പം അലസ, തിരുളറൊട്ടി, കോഴിനിറച്ചത്, പെട്ടിപ്പത്തിരി,ചിക്കൻ ഫ്രൈ,കൈവീശൽ,മുട്ടമാല എന്നിവയുമുണ്ടായിരുന്നു.ഇവയൊക്കെ അമരിക്കിഷ്ടമായി.കുടുംബത്തോടൊപ്പം ഇനിയും വരുമെന്ന് പറഞ്ഞാണ് വീട്ടിൽ നിന്നിറങ്ങിയത്.
അമരിയുടെ വരവറിഞ്ഞ് കുടുംബാംഗങ്ങൾ തറവാട്ടു വീട്ടിൽ ഒത്തുകൂടിയിരുന്നു. നാട്ടിലെ വ്ളോഗർമാരിൽ ചിലരും അമരിയെത്തുന്ന വിവരമറിഞ്ഞ് മാളിയേക്കലെത്തി. മാളിയേക്കൽ മറിയുമ്മയുടെ പേരക്കുട്ടി ദുബായിൽ ജോലി ചെയ്യുന്ന സുബിൻ മഷൂദിന്റെ ക്ഷണപ്രകാരമാണ് അമരി മാളിയേക്കൽ വന്നത്.അടുത്തിടെ അന്തരിച്ച മറിയുമ്മയുടെ വീടും സന്ദർശിച്ചു.
Content Highlights: Vlogger khalid al ameri at kerala
Published: 15 Sept 2022, 07:57 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented