കേട്ടാല്‍ വിശ്വസിക്കാന്‍ അല്‍പം പ്രയാസപ്പെടും. ഭൂമിയിലെ ഏറ്റവും വരണ്ട പ്രദേശങ്ങളിലൊന്നായ സഹാറ മരുഭൂമി വെള്ളപ്പൊക്കമെന്ന അത്യപൂര്‍വ പ്രതിഭാസത്തിന് സാക്ഷിയായിരിക്കുകയാണ്. തെക്കുകിഴക്കന്‍ മൊറോക്കോയില്‍ കഴിഞ്ഞ രണ്ടുദിവസമായി പെയ്യുന്ന കനത്ത മഴയാണ് സഹാറയെ മുക്കിയത്. അര നൂറ്റാണ്ടിലേറെയായി വറ്റി വരണ്ടുകിടന്നിരുന്ന ഈ പ്രദേശത്തെ ഇറിക്വി തടാകം കനത്ത മഴയില്‍ നിറഞ്ഞുകവിഞ്ഞു.
സഹാറ മേഖലയില്‍ പ്രതിവര്‍ഷ ശരാശരിയെക്കാള്‍ ഉയര്‍ന്ന മഴ ലഭിച്ചതാണ് ഈ അപൂര്‍വ പ്രതിഭാസത്തിന് കാരണമായത്. മൊറോക്കോ തലസ്ഥാനമായ റബാറ്റില്‍ നിന്ന് 450 കിലോമീറ്റര്‍ മാറിയുള്ള ടാഗൗണൈറ്റ് എന്ന പ്രദേശത്ത് 24 മണിക്കൂറിനുള്ളില്‍ ലഭിച്ചത് 100 മില്ലീ മീറ്ററിലധികം മഴയാണ്.
എക്‌സ്ട്രാ ട്രോപ്പിക്കല്‍ സ്റ്റോം എന്നാണ് മരുഭൂമിയിലുണ്ടായ ഈ പ്രതിഭാസത്തെ വിദഗ്ധര്‍ വിശേഷിപ്പിച്ചത്. ഇത് ഈ പ്രദേശത്തെ കാലാവസ്ഥയെ ഭാവിയില്‍ തകിടം മറിക്കുമെന്നാണ് വിദഗ്ധര്‍ പറയുന്നത്. വരും വര്‍ഷങ്ങളിലും മരുഭൂമിയില്‍ ഈ പ്രതിഭാസം മഴ പെയ്യിക്കാന്‍ സാധ്യതയുണ്ട്.
ഒമ്പത് ദശലക്ഷം ചതുരശ്ര കിലോമീറ്റര്‍ വ്യാപിച്ച് കിടക്കുന്നതാണ് സഹാറ മരുഭൂമി. ആഗോളതാപനത്തിന്റെ ഫലമായി വലിയ കാലാവസ്ഥ വ്യതിയാന ഭീഷണിയിലാണ് ഈ മേഖല.
Content Highlights: The Sahara Desert, known for its arid conditions, has experienced a rare phenomenon – heavy rainfall
Published: 12 Oct 2024, 09:55 pm IST
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..
Most Commented