മലയാളിയെ കൂടുതൽ നല്ല മനുഷ്യരാക്കാൻ ഗുരു പരിശ്രമിച്ചുവെന്നും എന്നിട്ട് നമ്മളെന്ത് പഠിച്ചു എന്നത് സ്വയം ചോദിക്കണമെന്നും എഴുത്തുകാരൻ ഡോ.കെ.എസ് രാധാകൃഷ്ണൻ പറഞ്ഞു. ശ്രീകണ്ഠേശ്വര ക്ഷേത്രയോഗം ശ്രീനാരായണ ഗുരുവിന്റെ 172-ാം ജയന്തി ആഘോഷത്തിന്റെ ഭാഗമായി നടത്തിയ സമ്മേളനത്തിൽ സംസാരിക്കുകയായിരുന്നു അദ്ദേഹം.

To advertise here,

കെ. ജയന്ത് എം.എൽ.എ. സമ്മേളനം ഉദ്ഘാടനം ചെയ്തു. മനുഷ്യർ എല്ലാം ഒന്നാണെന്ന സത്യസന്ധമായ രാഷ്ട്രീയമാണ് ഗുരു പങ്കുവെച്ചത്. എന്നാൽ, ഇന്നും ലോകം മുഴുവൻ ജാതിമതചിന്തകളിൽ തളച്ചിടാനാണ് ശ്രമം. പലതരം പ്രതിസന്ധികൾ നേരിടുന്ന കാലത്ത് ഗുരുവിന്റെ ചിന്ത കാലഹരണപ്പെടുന്നില്ലെന്നും അത് എക്കാലവും പ്രസക്തമാണെന്നും അദ്ദേഹം പറഞ്ഞു.

ക്ഷേത്രയോഗം പ്രസിഡന്റ് പി.വി. ചന്ദ്രൻ അധ്യക്ഷനായി. സമൂഹത്തിന്റെ സമഗ്രമായ വികാസമാണ് ഗുരു മുന്നോട്ടുവെക്കുന്നതെന്നും അതിലൂടെ സാമൂഹികവും ആത്മീയവുമായ മാറ്റങ്ങളുണ്ടാക്കിയെന്നും അദ്ദേഹം പറഞ്ഞു.