തായ്‌വാൻ പ്രസിഡന്റ് സായ് ഇങ് വെന്നിന്റെ യു.എസ്. സന്ദർശനത്തിനുപിന്നാലെ തായ്‌വാൻ കടലിടുക്കിൽ പ്രകോപനം കടുപ്പിച്ചിരിക്കുകയാണ് ചൈന. 2022 ഓ​ഗസ്റ്റിൽ അമേരിക്കയുടെ മുൻ ജനപ്രതിനിധിസഭ സ്പീക്കർ നാൻസി പെലോസിയുടെ തായ്വാൻ സന്ദർശനത്തിനു പിന്നാലെയാണ് ഇതിനു മുമ്പ് ചൈന പ്രകോപനം കടുപ്പിച്ചത്.  യുദ്ധസമാനമായ സൈനിക ഒരുക്കങ്ങളാണ് നടന്നത്. സൈനികാഭ്യാസത്തിന്റെ മൂന്നാംദിവസം നടന്ന ശക്തിപ്രകടനത്തിൽ 12 യുദ്ധക്കപ്പലുകളും 71 യുദ്ധവിമാനങ്ങളുമാണ് ചൈന വിന്യസിച്ചതെന്ന് തായ് പ്രതിരോധമന്ത്രാലയം തിങ്കളാഴ്ച വ്യക്തമാക്കി. ഏറ്റുമുട്ടലിന് സജ്ജമാണെന്ന് ചൈനീസ് സേന പ്രതികരിച്ചു. അതിനിടെ, തയ്‍വാന് ഐക്യദാർഢ്യം പ്രഖ്യാപിച്ച് യു.എസിന്റെ മിസൈൽപ്രതിരോധസംവിധാനമടങ്ങിയ യുദ്ധക്കപ്പലായ യു.എസ്.എസ്. മിലിയസ് ദക്ഷിണചൈനാകടലിലെത്തിയത് കടുത്ത ആശങ്കകൾക്കിടയാക്കിയിരിക്കുകയാണ്. 2022 ഓ​ഗസ്റ്റിൽ, ചൈനയുടെ ഇരുപതിലധികം സൈനിക വിമാനങ്ങളാണ് അന്ന് തായ്വാന്റെ ആകാശത്ത് വട്ടമിട്ടുപറന്നത്. ചൈനയുടെ തെക്ക് കിഴക്കുഭാ​ഗത്ത് സൗത്ത് ചൈന കടലിൽ സ്ഥിതിചെയ്യുന്ന ഈ ചെറുദ്വീപിനോട് അവര്‍ക്കെന്താണ് ഇത്ര ശത്രുത? അമേരിക്കയ്ക്ക് ഇവിടെ എന്താണ് കാര്യം? 

To advertise here,