മുംബൈ: ആൻഡ്രോയിഡിന്റെ പുതിയ പതിപ്പായ ആൻഡ്രോയിഡ് 17 സ്മാർട്ട്ഫോണുകളിൽ ലഭ്യമാക്കി ഗൂഗിൾ. തുടക്കത്തിൽ പിക്സൽ സ്മാർട്ട്ഫോണുകളിലാകും ഇതു ലഭ്യമാകുക. ജൂണിലെ പിക്സൽ ഡ്രോപ് അപ്‌ഡേറ്റിലൂടെ ചൊവ്വാഴ്ച മുതൽ ഇത് ലഭ്യമായിത്തുടങ്ങി. ഈ വർഷം തന്നെ മറ്റ് ആൻഡ്രോയിഡ് ഫോണുകളിലും പുതിയ ഒ.എസ്. ലഭ്യമാക്കുമെന്ന് ഗൂഗിൾ ബ്ലോഗ് പോസ്റ്റിലൂടെ അറിയിച്ചിട്ടുണ്ട്.

To advertise here,

ആൻഡ്രോയിഡ് 17-ലെ പ്രധാന മാറ്റങ്ങൾ:

  • ബബിൾസ് & ബബിൾ ബാർ : മെച്ചപ്പെട്ട മൾട്ടിടാസ്കിങ്ങിനായി ഏതൊരു ആപ്പ് ഐക്കണും സ്‌ക്രീനിൽ ഫ്ലോട്ട് ചെയ്തു നിൽക്കുന്ന രീതിയിൽ മാറ്റാൻ ബബിൾസ് ഫീച്ചർ സഹായിക്കുന്നു. ഫോൾഡബിൾ ഫോണുകളിൽ ഇവ ഒരു ബബിൾ ബാർ ആയി സ്ക്രീനിൽ വെക്കാനും സാധിക്കും
  • സ്ക്രീൻ റിയാക്ഷൻസ് : ഫോൺ സ്ക്രീൻ റെക്കോർഡ് ചെയ്യുമ്പോൾ തന്നെ, സെൽഫി ക്യാമറ ഉപയോഗിച്ച് മറ്റൊരു ആപ്പിന്റെ സഹായമില്ലാതെ സ്വന്തം പ്രതികരണം കൂടെ വീഡിയോയിൽ ഉൾപ്പെടുത്താൻ ഇതിലൂടെ സാധിക്കും
  • വിളിക്കുന്നയാളുടെ ശബ്ദത്തിൽ തന്നെ വിവർത്തനം: പിക്‌സൽ 10a (Pixel 10a) ഫോണുകളിൽ ലൈവ് ആയി കോളുകൾ വിവർത്തനം ചെയ്യുന്നതിനൊപ്പം, വിളിക്കുന്നയാളുടെ യഥാർത്ഥ ശബ്ദത്തിൽ തന്നെ അത് കേൾക്കാനുള്ള 'വോയ്‌സ് ട്രാൻസ്ലേറ്റ്' ഫീച്ചർ ലഭ്യമാക്കിയിട്ടുണ്ട്
  • മാനുവൽ കോൾ സ്ക്രീൻ : അപരിചിതമായ നമ്പറുകളിൽ നിന്നുള്ള കോളുകൾ അറ്റൻഡ് ചെയ്യാൻ സഹായിക്കുന്ന ഈ ഫീച്ചർ ഇന്ത്യയിലേക്ക് കൂടി വ്യാപിപ്പിച്ചിട്ടുണ്ട്.
  • സംസാരത്തിലൂടെ ഫോട്ടോ എഡിറ്റിംഗ്: യൂറോപ്പിലെ അഞ്ച് രാജ്യങ്ങളിൽ, പിക്‌സൽ 6-ലും അതിന് ശേഷമുള്ള മോഡലുകളിലും ഫോണിനോട് സംസാരിച്ചുകൊണ്ട് ഫോട്ടോകൾ എഡിറ്റ് ചെയ്യാൻ സാധിക്കുന്ന 'കൺവർസേഷണൽ എഡിറ്റിംഗ്' ലഭ്യമാണ്.
  • മികച്ച സുരക്ഷ: ലൈവ് ത്രെറ്റ് ഡിറ്റക്ഷൻ , അഡ്വാൻസ്ഡ് പ്രൊട്ടക്ഷൻ എന്നിവ മെച്ചപ്പെടുത്തിയിട്ടുണ്ട്. കൂടാതെ നഷ്ടപ്പെട്ട ഫോൺ ഫിംഗർപ്രിന്റോ പിൻ നമ്പറോ ഉപയോഗിച്ച് ലോക്ക് ചെയ്യാനുള്ള സൗകര്യവും, പിൻ നമ്പർ തെറ്റായി നൽകുന്നതിനുള്ള പരിധികളും കൂടുതൽ കർശനമാക്കിയിട്ടുണ്ട്.