മുംബൈ: കൊറോണ വൈറസ് ബാധയുടെ പശ്ചാത്തലത്തില്‍ തങ്ങള്‍ക്കു കീഴില്‍ നടക്കുന്ന മത്സരങ്ങളെല്ലാം മാറ്റിവെച്ച് മുംബൈ ക്രിക്കറ്റ് അസോസിയേഷന്‍ (എം.സി.എ).

To advertise here,

മാര്‍ച്ച് 14 മുതല്‍ 31 വരെയുള്ള മത്സരങ്ങളാണ് മാറ്റിയത്. എം.സി.എ സെക്രട്ടറി സഞ്ജയ് നായിക്ക് വാര്‍ത്താക്കുറിപ്പില്‍ അറിയിച്ചതാണ് ഇക്കാര്യം.

ആശങ്കകള്‍ക്കിടെ ഇന്ത്യ-ദക്ഷിണാഫ്രിക്ക ഏകദിന പരമ്പരയും റദ്ദാക്കിയിരുന്നു. പരമ്പരയിലെ ആദ്യ മത്സരം മഴ മൂലം ഉപേക്ഷിച്ചപ്പോള്‍ ശേഷിക്കുന്ന രണ്ട് മത്സരങ്ങളാണ് റദ്ദാക്കിയത്. മാര്‍ച്ച് 29-ന് നടക്കേണ്ടിയിരുന്ന ഐ.പി.എല്‍ ഏപ്രില്‍ 15-ലേക്ക് മാറ്റിയതിന് പിന്നാലെയാണ് ബി.സി.സി.ഐ ഇന്ത്യ-ദക്ഷിണാഫ്രിക്ക പരമ്പര റദ്ദാക്കിയത്. ഇതിനു പിന്നാലെയാണ് ഇപ്പോള്‍ നിര്‍ണായക നീക്കവുമായി മുംബൈ ക്രിക്കറ്റ് അസോസിയേഷനും രംഗത്തെത്തിയിരിക്കുന്നത്.

Content Highlights: Coronavirus outbreak Mumbai Cricket Association postpones all matches