
റിയാദ്: ബാഴ്സലോണയെ തകര്ത്ത് സ്പാനിഷ് സൂപ്പര് കപ്പ് ചാമ്പ്യന്മാരായി റയല് മാഡ്രിഡ്. എല് ക്ലാസിക്കോ പോരാട്ടത്തില് ബാഴ്സലോണയെ ഒന്നിനെതിരേ നാല് ഗോളുകള്ക്ക് തകര്ത്താണ് റയലിന്റെ ജയം. ഹാട്രിക് നേടിയ വിനീഷ്യസ് ജൂനിയറാണ് ഫൈനലിലെ ഹീറോ. 13-ാം തവണയാണ് റയല് സ്പാനിഷ് സൂപ്പര് കപ്പ് നേടുന്നത്. 14 തവണ സൂപ്പര് കപ്പ് കിരീടം നേടിയ ബാഴ്സയ്ക്ക് അടുത്തെത്താനും റയലിനായി.
കളി തുടങ്ങി ആദ്യ പത്തുമിനിറ്റിനുള്ളില്ത്തന്നെ രണ്ട് ഗോള് നേടി വിനീഷ്യസ് കളം നിറഞ്ഞു. ഏഴാം മിനിറ്റിലും പത്താം മിനിറ്റിലുമാണ് വിനീഷ്യസ് സ്കോര് ചെയ്തത്. ഇത് ബാഴ്സയെ വലിയതോതില് സമ്മര്ദത്തിലാക്കി. 32-ാം മിനിറ്റില് റോബര്ട്ട് ലെവന്ഡോവ്സ്കി വക മറുപടി ഗോള് എത്തിയതോടെ ബാഴ്സയ്ക്ക് നേരിയ ആശ്വാസമായി.
എന്നാല് അഞ്ച് മിനിറ്റിന്റെ ആയുസ്സേ ആ ആശ്വാസത്തിനുണ്ടായിരുന്നുള്ളൂ. 37-ാം മിനിറ്റില് ലഭിച്ച പെനാല്റ്റിയില് വിനീഷ്യസ് തന്റെ മൂന്നാം ഗോള് നേടി. ഇതോടെ ബാഴ്സ വീണ്ടും രണ്ട് ഗോളിന് പിന്നിലായി (1-3). രണ്ടാംപകുതിയിലെ 63-ാം മിനിറ്റില് റയലിനായി റോഡ്രിഗോ കൂടി ഗോള് നേടിയതോടെ ബാഴ്സയുടെ പതനം പൂര്ണമായി.
Content Highlights: real madrid spanish super cup champions defeated barcelona
Published: 15 Jan 2024, 09:08 am IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..


Most Commented