ന്യൂഡൽഹി: എഎഫ്സി അണ്ടർ-17 ഏഷ്യൻ കപ്പ് ഫുട്ബോൾ യോഗ്യതാ മത്സരത്തിനിടെ ഇന്ത്യൻ ക്യാപ്റ്റനെ വംശീയമായി അധിക്ഷേപിച്ചതായി പരാതി. പലസ്തീനിനെതിരായ മത്സരത്തിനിടെയാണ് സംഭവം. ഇന്ത്യൻ ക്യാപ്റ്റൻ ഡി. ഗാങ്തെയ്ക്കുനേരെ പലസ്തീൻ താരമാണ് വംശീയാധിക്ഷേപം നടത്തിയതായി പരാതി ഉയർന്നത്. മത്സരത്തിൽ ഇന്ത്യ 4-1 ന് വിജയിച്ചിരുന്നു.
ആദ്യപകുതിയുടെ അവസാനഘട്ടത്തിലാണ് സംഭവം. ഇന്ത്യൻ ക്യാപ്റ്റനുമായി കോർത്ത പലസ്തീൻ താരം വംശീയമായി അധിക്ഷേപിക്കുന്ന തരത്തിൽ ആംഗ്യം കാണിക്കുകയായിരുന്നു. വിഷയത്തിൽ ഇന്ത്യ മാച്ച് കമ്മിഷണർക്ക് പരാതി നൽകുകയും ചെയ്തു. ഇന്ത്യൻ കോച്ചിങ് സ്റ്റാഫാണ് വിഷയം മാച്ച് കമ്മിഷണറുടെ ശ്രദ്ധയിൽപ്പെടുത്തിയത്.
സംഭവത്തെ കുറിച്ച് അന്വേഷിക്കുമെന്ന് മാച്ച് കമ്മിഷണർ അറിയിച്ചിട്ടുമുണ്ട്. വരും ദിവസങ്ങളിൽ അന്വേഷണം നടത്തി നടപടിയെടുക്കുമെന്നും അദ്ദേഹം വ്യക്തമാക്കിയിട്ടുണ്ട്. എന്നാൽ വിഷയത്തിൽ പലസ്തീൻ ടീമിന്റെ ഭാഗത്തുനിന്ന് പ്രതികരണങ്ങൾ ലഭ്യമായിട്ടില്ല.
Content Highlights: Indian U-17 football captain faced racial abuse from a Palestine player
Published: 17 Nov 2026, 09:58 pm IST
Related Topics
മാതൃഭൂമി.കോം വാട്സാപ്പിലും
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



Most Commented